KALUMLU 14
14
Maansei Ramsi
(Kal 53)
1Mpangmei nunc rui,
“Ravguangc maek ge” twna ning e.
Kumna kaniw si ngam the,
kaniw karaeng kadangmei taanv rana taanc the—
nchumhmei taanhmei gaanv khat na sini maek khe.#Rom 3.10-12
2Ningtyngmei, kata kalum bampui mei nai bu cho twna
Ravguangc tingkauh thangc rui,
maansei nac nunc ruc khou zauc key e.
3Tiki kaniw meic guayna chaeng maanv ngam the;
kaniw meic guayna si ngam the;
nchumhmei taanhmei gaanv khat na sini maek khe,
gaanv khat na sini maek khe.#Rom 3.10-12
4 Ringhpouc rui sa e,
“Kaniw hei ningting maek khena cho?
Simei taanc bammei nunc hei ramhthay mak khena cho?
Kaniw amei nunc ta kwamtuna lungc e,
kaniw akhou huayney zat mak ge.”
5Tiki kaniw mi khou kiu ping kadunh puni the,
kalam thu Ravguangc thu
kalat piumei nunc ta nkhavlou bam e.
6Simei taanv taanhmei
nangniw rui lungcthuy lakmei nunc taanv ta thingc e,
tiki Ringhpouc thu mi kumhmei nunc ta tei gaeklou e.
7Isarael khang rihngammei hei
Zaion khou rui tiguanglou o twna ai huay e.
Ringhpouc rui suaihiamlou dat pwkhou kiu,
Isarael hei adih neihla puni cho!
Currently Selected:
KALUMLU 14: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
