NAHUM 2
2
Nineve Amaanmei
1He Nineve, nang ti hei adow khang guang pw the!
Nang ta swmutlou nimei ngamv guang pw the.
Nang tuang rigaanvbamv guay khou maansei lou la tho!
chaeng tei rigaanv la tho!
Rih khang chamdaanv la tho!
2(Zauczihmei nunc rui rihkeyna laa kan makmei hu khou nai bammei Isaraelmei tuang tikgunc tei Ringhpouc rui tiguanglou dat puni.)
3Zauczihmei tuang ricmei nunc tei
nggih haenghmei phungc e khatni haenghmei pwan piu e.
kaniw adow khang chamdaanv bam the!
Kaniw tuang takuanh gari guay
mai kumcna palik pat the!
kaniw tuang takuanh nunc kapitc pat the!
4Takuanh gari guay mbamei kumcna chaengdai guay khou saeng pat the,
kaidai tuang chaengdai guay khou saeng padik pat the.
Kaniw tei mairam kumc palik pat the khatni tingpalikmei kumc kachan pat the.
5Meicdaihmei nunc ta kaw guang the;
kaniw tei phay kalanvna pak guang the.
Adow guangmei nunc tei raengh khou saeng guang the,
rihmei nunc tei raengh khou
pak guangna nggih rui kailaak sw ku the.
6Duithuak daeng khou naimei raenghmun guay ra pat the;
guangh kai khou tei pingmei rui padik the.
7Liammav ta rihnym kan the;
kabangcpui nunc akhouhna kumcna huay the khatni lungh kabiuna kaniw ngaengv hiw the.
8Zeih phak patmei kumcna meic nunc tei
Nineve khou rui pak pat the.
“Ding o! Ding o!” twna kauc the—
tiki meic gaanv khat na sini
karih guang dat mak khe.
9Daandi tei laa kan the!
kachaekc tei laa kan the!
Kaidai tei lanv rui padik the!
10Nineve hei swmutlou the, lungctaeklou the,
ganc rimh rimlou the!
Pingmei rui kaniw buh-baengh maek khe;
kaniw khubut kadunh kalakh lak the,
kaniw pumtan maek khe,
kaniw zaw ndavdyan dian the.
11Kamangliangpui kuanc kumc bammei kamang launa ta aluatc bammei bamv,
kamangchic khatni kamangkui rui luan padikna kanac nunc kadan makna bammei kaidai tei tabui thangc tat kan thena cho?
12Kamangliangpui tei rui kataek khang swluaina kakui khatni kanac nunc khang thaek puat paruatlou the;
kakuanc tei siat puatloumei zanc rui ganc padik the.
13Ngamparymei Ringhpouc rui sa e, “Ai nang tuang zauczihmei e! Ai rui nang tuang takuanh gari guay tei mai ntei puni. Nang tuang ricmei nunc ta tei rih khou swluai puni, kumna nang rui meic baihmei khou rui laaguangmei guay tei ai rui laa ganc dat kan puni. Kandih nam ruc khou nang ngamv tei chu dat pw lak khe.”
Currently Selected:
NAHUM 2: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
