1 TIMOTHI 5
5
Phwamlingmei nunc khou Taanclou Nimei Thouc Guay
1Gaanvdaih ta luh riu; pu ta kumcna katiulou o. Nggaanvmei alauc nunc ta nang kainac nunc ta kumcna ningna swlou o. 2Ntumei gaanvdaihmei nunc ta nang pui ta kumcna khatni ntumei alaucmei nunc ta nang tanpui nunc ta kumcna ningna mphuam mpha tuang maekna swlou o.
3Swm may sw changhna bammei maypui nunc ta tei kadanna zauclou o. 4Tiki thowkumhmei maypui tei katou kanac nunc nai e thei, kaniw tei ravningmei taanv tei kakai kaikhunc khou rui taanc chada rey kan diu, kumna kaniw pui pu pow khangc kan diu. Hei tei Ravguangc rui kahawmei e. 5Maypui kiu thu, kata zauclou nimei maekmei, Ravguangc khou na ngangvlouna zingbangc kalaanv huayneyna bammeipui tei e. 6Tiki meic pumc rui kahawmei khou tiipatlouna lungc bammei maypui tei thu kapumc ringc bam sini theihmei de. 7Meic nunc rui khanc lancmei lwnlung khou kaniw keylou mak khang, mi latdyn hei kaniw khou ni dinclou tio. 8Thowkumhmei kariang kaluaic ta, nkunna kakai kaikhuncmei ta zauclou makpui mei tei thu kamei lwmpui mei hamh e twpui tuang di the. Kamei lwm makmei nunc suangc sini si the. 9Katingkwm riakcharuk tangh makmei ta thu maypui pang khou chak kazauhlou nangh e. Mi ruc khou rui, kamei kagaanv akhat nameipui#kagaanv akhat nameipui; hamh e thei mic guai namei. nina e, 10kamei gaymei taanv taanhmeipui: kanac nunc ta makuat chuymeipui, gin ga laalou thaymeipui, Khristian guay khou niamhmei siamruai swmeipui, ryanra ryanriumei ta nkhow nkhavmeipui, khatni gaytaanv khou lungh gutmeipui nina e. 11Alauc maihmei nunc ta thu maypui pang khou laa gutlou nangh e; kaniw ta kaniw pumc rui kahawmei rui ngamna kaniw Khrista khou rui mpaan pat pwkhou, mic dat nii puni. 12Mi kumna kaniw rui Khrista khou swlou kanmei latryan tei sw bakmei tuang khuay kaniw khou keylou puni. 13Mi ruc khou rui kaniw kaining taraina aliauh ncham e. Mi hei na hamhna kaniw mwang thayna nsuc nraucna sa zi zi makpui lat sa tat re. 14Hei zaeng rui, maypui alaucmei nunc thu mic dat lana, kaniw nac naina, kaniw kaikhunc kasiamh bam kanmei ta ai kahaw e. Kum mak ge thei, zauczihmei nunc rui aniu ta khanc lanc bam khang de. 15Maypui gaanvsaekc thu Seitaan thei lay khang tat pat kanmei nai changh the. 16Thowkumhmei lwmmeipui kaikhunc khou maypui nai e thei, mi ta tei kamei rui zauclou kan diu; phwamling khang puatcrith tii nangh e; maypui ling nunc ta zauclou bam kan diu.
17Zaylou chuymei gaanthaic nunc, nkunna chamvdinhmei khatni nchamloumei khou taanc ranvna bammei nunc tei kataanvphy kadam kanei laa biuc rapmei nunc e twmei chaklou nina e. 18Kalam thu, “Nap ni bammei guaichic ta tei kamwang karak riu,” khatni “Taanv taanhpui mei khang tei kaphy tii nina e,” twna Nthanmei Latrik khou hylouna nai e.#Ria 25.4; Met 10.10; Luk 10.7 19Kalam thay nthanmei gaanv nei gaanv thumh kazauh mak ge thei, gaanvthaih khat ruc khou phungc guangmei lat tei laa thau riu.#Ria 17.6; 19.15 20Tiki paapc taanhpui mei ta tei thu, baihmei guay ni ping kan khang, charuangc mav khou luh tio.
21Gahsw guhsw tuang khatni ningsi ninggay sw makna, mi latdyn hei piu khang Ravguangc, Jisu Khrista khatni kadahloumei kauh baanchara guay hu khou ai rui nangniw khou sa tuang e. 22Baanh zaysungclou khang katumh riu. Meickai paap khou lay kazauh riu; nang nthanna bam o.
23Nang katupcna nnau bammei zaeng rui, nang bung khang, dui na zangv makna drakhazouc ni katit titna zangv o. 24Meic gaanvsaekc paap thu ndaw phauna how e, kumna kaniw paap tei latzan bam thangc kaniw hu tat kasuakc kan the; tiki meic gaanvsaekc paap thu kaniw thei lay guang e. 25Hei tei kumcna gaymei taanv ni ndaw phauna how e, kumna ndaw phauna how makmei guay tei ni nkamhlou bam ngam ni tu hamh e.
Currently Selected:
1 TIMOTHI 5: RONGBSI
Highlight
Copy
Compare
Share
Want to have your highlights saved across all your devices? Sign up or sign in
Rongmei Naga (Revised) Bible - NTHANMEI BAIBAL (Revised)
Copyright © 2017 by The Bible Society of India
Used by permission. All rights reserved worldwide.
