CHEKECHÜ 5
5
Shwikenjün Kehi
1Npugü, agun ge thyükela tsü rüchün
shüta.
Agun nrishü, lo agun kejokepvü shashü lo.
2Agun kenya le tesin ben nyu;
sin rünyi nyu le agun kanyu yhun bin laso.
3Kenrhinyu le agun pvünyu dushvula,
lo agun jvünyu le magi loso.
4Agun le agun ketsü zü minthyü mvu loshvu la;
agun le agun kezeü sen himvu loshvu laso.
5Gada nmvue Ut hüzen-o no kenjün thyü kebin hontse,
agun le nhokeli sala, ai agun no ryüyü lomvu.
6Agun le tyüo yhunlo nrün ketyüketsü genyu,
agun le Ijipt lo Assiria ki hi gü.
7Agun bon nyu le mula, ai ntsoka anyugun le ndi so.
lo agun le tsü dan kemu genyu kenjün thyü bin.
8Me do hontse kethyü nyu no agun so kekvu sen bin,
lo nme-e tsü dan ben nyu agun kenikeshüi ndi.
9Me dukeshvu nyu le agun kazü nyu holo lao;
agun ketyüketsü fü güe agun keyhun le
kenshvu nyu bin laso.
10Kenyon genyu rükao agun gi le nyen pe mahphun
kenyen hontse laso.
11Zion kazüthun ge tsü agun nunyu sü la;
Juda nyu rünyi aphu nyu agun nyugi dan nchün ndyü.
12Agun sharhi dan tenzen gü hüla;
agun temi kethen-e kerühvu pe tsü mvu.
13Selo dan kemvu thyü pe donyu hontseo pen ra;
poben nyu lo tesen kensu pvüo kepakegwa.
14Kethen nyu le nyida khinrun ka bin mvu laso,
lo selo ju le lüthyü sin mvu laso.
15Shekerhün le agun keyhun nyu ndila;
shekerhün sunka nyungwakemvu le bin laso.
16Agun sü thyü kehü hon nme-e ndiso.
Agun le mula, lo ntsoka we agun le thyülo tiso.
17Agun nyun le ho ketsin
lo agun yhüphu genyu tha hyu loho laso,
18kechamvule Zion kazüthun khe pe
a-npvü laso,
lo mesükerun le tsünyu ntsüo khun
bin laso.
19Ai Npugü, nle kethonthen raja gü,
lo gwünkho keni ki-e keda thyü ti.
20Nle nyuthyüo agun khe thonri la la?
Nle agun rüchün nimvu so ole?
21Agun zenilo ta; Npugü! Agun zenni
lota!
Nduka agun zen kechwi gü khini shüta.
22Nle kethonthen agun khela sela?
Nnyunkenta a-keni ndi ole?
Currently Selected:
CHEKECHÜ 5: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
