CHEKECHÜ 2
2
Npugü Le Shaja Pe Jerusalem Ketsü
1Npugü le a-nyunkenta nyu kezün pe
Zion henla.
A-le tsangge gingvü kethyü tsü lope
kenke thyüla.
A-nyunkenta jon nyü a-Kershvukae
khela
2Npugü le shwikenjün ndi tse Judanyu
rünyi aphu nkela.
Lo kazü gü no kehü chwida-e borenla.
A-le kejokepvü senryüo rajaphen lo tsü
nyu kekvunyu dan ge shüla.
3A-kenthün nyu Israel kekvu boshe la;
Shwikerüchün nyu le keryü ka a-le
ngun chemvu letse la.
Anyun kenthün le mah hontseo tha
aphu kecha.
4A-le shwikerüchün nyu hontse a-levü
pe ngun ntsen;
A-le ngun le zen-o sherhün lo kenyü kehü
aphu dushvula.
Jerusalem hinyu ngun le anyun nthün sa
kebin shalo.
5Npugü le shwikerüchün nyu nme hontse Israel
nkela;
A-le a-chwida lo rajabin nke-o khela.
A-le nyun kenjün kethyü kenikendi senryüo
Juda temi ge shü.
6Ngun le a-rüshvu kehü Kershvuka gü
a-le borenla.;
A-le jon kenshün lo Sabbath dan-e no
keni thyüla.
Raja lo Püshükeda-e anyunkenta akekvu
sha
7Npugü le a-kerüshvu kenila lo a-Kershvuka
kenshün gü-e khela;
A-le shwikerüchün nyu no a-chwida
borenla.
Anyugun le kvulo-o gwüngwa nme ngun le
sherhün-o rüshvu kehü bin nyu nra sen.
8Npugü le Zion chwida no chela titse
rhilo la.
A-le tsüdan no nke shüla titse
ndo lola.
Ntsoka tsokhwen lo chwida dan le nke
kesin laso
9Khinrun dan le kope kazü nyu sunla,
khincha dan-e borenla.
Raja gü lo kedanyu dan le me kazü nyu
tin laso.
Tejvü gü pe senthyü sin mvula, lo sidyü
kejonyu le Npugü kipon tsemin hyumvu laso.
10Jerusalem kethen nyu jule ma tse kazü
nyu dun-o,
kemphü pe anyugun ge shü lo
ronphi ben.
Lübwe nyu le kazü nyu
nkhün tsü.
11Chü pe ayhütyü le kvumvu la;
akapu le kenjün thyü laso.
Atemi dan kenke genyu anyun kenjün
thyü loho la sele.
Ntsenyu lo nyuhonyu le nyida
gü tsonda dan nyu pesi bin nyo.
12Nnyon, teri lo chüo anyugun jvü
nyu ko;
Anyugun le jünkela hontse tsonda gü
nyu che tsü,
Tson-o nyajü tse anyugun jvü nyu ben
nyu sila.
13O Jerusalem, keso Jerusalem, ale nyu
zolo mon?
Ale dihontseo nnyun thyü nbwenlo tila?
Temi nme-e hihontse kenjün thyümvu zun.
Nkenke le züda hontse laso; thame
thyülo kegwa kenrin ndi so.
14Nsidyü kezonyu le kenku nti a-me thame
zomvu;
Anyugun senkethyü le hagun kemu tsin
mvuo hagun sala.
Anyugun le hagun thyü pe nyun kelu mvue
gwa le tse rüchün la.
15Temi dan le nyida gü pvüthü kegü ka
shwinyüo hagun nri.
Anyugun le anyugun pe pvü kengüo
Jerusalem kenke shwinyüo zo,
“Hile nyida kezegwa gü tsü le?
Hile kazü le a-genyu sü thyü kehü gü
tsü le?”
16N shwikerüchün nyu aphu n shwinyü mvu, anyugun
nyunta lo nshwi nyüo n nrhi ti.
Anyugun le anyugun müntse nkao shwinyü,
“Agun le tsü nkeshü le!
Agun le jon higü khwe kehü le!”
17Npugü le a-le kedün-o thyü titse kebin
gü kenkhin ki thyü laso;
A-le shwinjün mvuo ngun nke laso,
a-le nduka ngun ka zo kenjü gü tsü.
A-le kvukelo pe ngun shwikerüchün nyu tsü,
anyugun no ngun le chekela genyu sherhünlo.
18O Jerusalem, nchwida no chüo Npugü ka
hilo!
N yhüphu no kheje khennyütsen züri hontse
tsun ta;
Chü lo nyun kenjün thyüo kvumvu lalo!
19Khensin so-o Npugü ka hilo
hini lo;
Nkerüchün aphu pe a-no nnyenyu shwinjün
shülo tse hilo-
Tsonda aphu teki ntsenyu le pesi
sigü jü nyo!
20Nrishülo, O Npugü! Nle nchün
ndyü keshü dan nrishü lo!
Nyeginyu le anyugun le so kehü ntsenyu
min tyü bin laso!
Mele Kershvuka nyuki püshükedanyu lo
sidyü kezonyu boshvu bin!
21Selo lo peshünyu le tsonda nyu
sibin;
Shwikerüchün nyu zhethon lope pelü bwen
lo nyegibwen nyu dushvu bin.
Nle nnyunkenta jon nyü shwinjün mvuo
tsüdan dushvu la.
22Nle ashwikerüchün nyu kope ate hun-o
ketetsin keho thyü,
Lo nnyunkenta jon nyü tsü nme-e
tinlo mvula
Anyugun le ale so lo leyi sokeryü
anyenyu dan dushvula.
Currently Selected:
CHEKECHÜ 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
