JONAH 4
4
Jona Nyunkenta Lo Sunggigü Shwikenjün
1Jona le tsügenyu a-kenyümvulao a-nyuntala. 2A-le kehi thyüo, “Ale aka nken kemvu ka nle hihontse thyü titse zo mvu ole? Tsügenyu ale Spain ki tinla titse ayhenthyü sa! Nle keso lo shwikenjün Sunggigü, nyhenhi, bwe lo n kerüchün sünilao shaja pe tsühü kemvu tsü ale sha. 3Ano ntsoka sila gwenlo. Ale rhünkebin nyeki sikela gü we gwaso.”
4Npugü le zonishü, “Nle nyunta keloi nkenjü nyu le binla?”
5Jona le nyida nphozin chwio duntsüla. A-le thape a-sunlo-o tsünyu dun-o Nineve le dihontse latiyo khwenbin. 6Tsüselo Npugü le Jona no bwe kvulo nrün genyu tehen no Jona so sunilo. Jona le jonyü tsügü genyu a-kenyü salola. 7Ai tsü sinyü lonyü nshwen Sunggigü johokeshü then-o nyun le tehen gü tyülolao tsüle sila. 8Yhüko le chwi keryü ka Npugü le npho kipon tsangkenbu kenyen nishüo tsangkenyen le a-pe phokeshü ka Jona le sigüjüla. Tsügenyu a-le sila nyü lola. “Ale rhün kebin nyeki sikela we gwaso,” tsezo.
9Ai Sunggigü le a-ka zo, “Nle tehen tsü genyu nnyuntakeloi nyule binla?”
Jona le zonishü, “Ale anyuntao sila kezüi le bin tiso!”
10Npugü le a-ka, “Tehen higü le kheje me ka yhun soryüo tsüsinyü ndila; nle tsügenyu thame thyümvu, lo nle tsüno min nrün thame thyü shümvu-- ai nle tsügenyu nnyun gwamvu bin! 11Tsonlo tsünyeki Nineve nyidagü shwi njün zümvu tila? Tsü nti mvule tsünyu thame shakemvu ntsenyu 120,000, lo senrue kechon le binsin!”
Currently Selected:
JONAH 4: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
