JONAH 2
2
Jona Kehi
1Tsehü ginda nyu ki bin-o Jona le Npugü a-Sunggigü ka hi:
2“O Npugü, ashekese nyu ale nko keshü ka,
nle ajo kenishü.
Kesi kazü kentsun nyu ale nka
keche hi, lo nle akehi nyü shü.
3Nle akewhen pe kentsun nyu,
zida thinki shüla,
tsünyu zü le ahun,
lo zükentyü kekvu le aso tsuntsü.
4A kerüchün we nmhundyü nyu ahülao
N Kershvuka kenshün gü hyu mvu la tiso letse la.
5Züle aso ryüo akhinlo la;
zida le akemin shüla
lo zida jonyü le ape jela.
6Ale kazüthun pha ki tsü
kethonthen khinrun khinkehü kazü nyu.
Ai Npugü, a Sunggigü,
nle kentsun ki athyü nrhün zen chwiryüla.
7Ale sigükejü shalo-o nkoshüle Npugü,
lo nle Kerüshvuka kenshün nyu akhwen nyü shü.
8Teromen kenrun rüshvu kehü dan le njokezen khelaso.
9Ai awe n keshwenlü thyüti;
ale kerüshvu thyü pe ntsüti
lo ale zoshwi kenjü tsü thyüti.
Kenikelo le Npugü kipon ryühü!”
10Tsüselo Npugü le tsehü gü no Jona nshüli pe züseki shüla lotse ahza hoshü, lo tsonla.
Currently Selected:
JONAH 2: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
