JEREMIAH 45
45
Sunggigü le Baruk ka zoshwi keshü
1Josiah nyugü Jehoiakim le Juda raja thyükelo chenzigü ka Baruk le ale a-ka zokeshüdan thulo. Tsüselo ale a-ka zo-o 2Npugü, Israel Sunggigü le zo, “Baruk, 3nle hihontse zo hünyo, ‘Ale khela tiso! Npugü le nyunkenjünkethyü pe akenjün kethyü sin nishü laso. Ale nra pe akekvu ndila, ale kerüyü nme-e hyulo hoso!’
4“Ai ale Npugü, ale thyükenjü borenla, lo ale sen kenjü tsü phülati. Ale kazü aphu nyu hihontse thyüti. 5Nle ngenyu ke cha thyü lotse nrin hü le? Tsonya. Ale kenke zenryüo temi aphu gen shüti, ai nwe lihiki güe nrhi loti. Ale Npugü, tsü zo laso.”
Currently Selected:
JEREMIAH 45: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
