EZEKIEL 15
15
Vain Low Pe JokeJvü Thyükeshü
1Npugü le aka zo. 2“Silakehü temi gü, Vain pe dihontse senbin ndyü hü nla? Vain ro lope chün nyu senro ndyü keshü nyu kegwa le bin la? 3Nle tsü sen-o tha peha thyülo gwa ole? Nle tsü lope tha no hü nrün bin-e thü logwa ti ole? 4Tsü le pe mah thyü nrün genyu nti. Lo mah le lizin hizin rola lo a-chvüka rope a-tun thyü lalo, nle tsü lope tha peha thyülo gwa le? 5Tsü le rokemvu ka-e sen mvue kegwa nme. Tsonlo tsüle rope a-tun thyü la lo sen mvue gwakvu.”
6Aphu sokekvu Npugü le hihontse zobin, “Tehen ki vain nme khilo-o pe rokela, tsü hontse ale Jerusalem nyu keyhun nyu khilo 7shaja pe anyugun tsü ti. Anyugun le mah nme nrhilo, ai ntsoka mah le anyugun ro lati. Ale shaja pe anyugun tsülo, nle ale Npugü letse shati. 8Anyugun le aka joketsin zomvu, tsügenyu ale kazü gü pe mele yhunkemvu bin thyü lati.” Aphu sokekvu Npugü le zo laso.
Currently Selected:
EZEKIEL 15: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
