CHWEKETIN 39
39
Püshükeda Dan Phinya Kethyü
(Chw 28:1-14)
1Anyugun le phi kenzi, kemeren lo thyühü kenhon pe püshükedanyu no kenshün bin günyu lotho kethyü ka ben nrün genyu phinya zegwasa kethyü thyülo. Npugü le Mosa ka zokeshü hontse anyugun le Aaron genyu püshükeda phinya thyülo.
2Anyugun le linen kegwa; kenzi, kemeren, thyühü kenhon lo suna ni pe püshükeda mirün thyülo. 3Anyugun le suna jon tepvü lo-o kesheshe tserho pe linenni kenzi, kemeren lo thyühü kenhon ka kerhün-o dalo. 4Lo anyugun le mirün gü ge keshü buthun kerhe kenyhun thyü pe rükesü shü. 5Npugü le Mosa ka zokeshü hontse, ni tsü hontse kethyü pe senkephin dokegwa thyü pe mirün gü ge shüo tsü kesü nme thyüshü. 6Anyugun le karnelian tso ketsü pe suna lo a-tehun kejü kashü, tson-o tsüge Jakob nyu mi tseryü kenyhun dan zan thu shü. 7Anyugun le Npugü le Mosa ka zokeshü hontse tsü pe Israel tsipwe tseryü kenyhun sunka Püshükeda mirün gü bukerhe ka shüshü.
Shüntyü Kethyü
(Chw 28:15-30)
8Anyugun le püshükeda mirün kethyü ni lo tsü ge thazü kethyü hontse shüntyü gü ko thyülo. 9Tsüle kethon keda ketun lo kese kenyhun thyü, kethon küme lo keda ko küme. 10Anyugun le tso minketsen tsonzi thyüpe tsü ge shü: a-tson kerigü le rubi, topaz lo garnet; 11tsonhvu gü le emerald, safir lo diamond; 12tsonshen güle, turquoise, agate lo amethist; 13tsonzi gü le, beril, karnelian lo jasper. Hidan hi suna pe a-tehun-o shüshü. 14Israel tsipwe tseryü kenyhun sunthyü nrün genyu tso tseryü kenyhun hi nme ge Jakob nyu nme zan thu shü. 15Lo shüntyü gü genyu suna ketsin pe ronkenlü hontse kerasü thyü shü. 16Anyugun le suna pe kepen kenyhun lo raho kenyhun thyü lo-o raho hvu pe shüntyü tesozin a-te kepen senshü. 17Anyugun le suna ron hvu tsüpe raho hvu ge dyülo, 18lo ron hvu tekecha zin pe kepen hvu ka dyülo. Tson-o pe püshükeda mirün mhundyü shüo bukerhe hvu ge senlo. 19Anyugun le suna raho kenyhun thyü lo-o pe shüntyü tesinzin püshükeda mirün kensü kipon a-te ka dyülo. 20Anyugun le suna raho kenyhun thyü sinlo-o pe püshükeda mirün gü bukerhe tesin ki a-kerishvu khoka senkephin do kegwa thyü kenjü gü so ka dyülo. 21Npugü le Mosa ka zokeshü hontse anyugun le ronkenzi pe shüntyü gü raho ka dyüsen gü püshükeda mirün raho ge senla, tson-o shüntyü güle senkephin soka bin-o rüyho lamvu.
Püshükeda phinya Kecha dan Kethyü
(Chw 28:31-43)
22Püshükeda mirün hensin kerün gü tsüle thyühü kenzi nti pe thyü. 23N pe no chwikeryü kü tsüno nrhen lamvu nrün genyu do pe phin nishü. 24-26Npugü le Mosa ka zokeshü hontse, anyugun le a-bola shwe pe linen kegwa kenzi, kemeren lo thyühü kenhon pe khüratyüsha thyüshü, tson-o suna ketsin pe tegi kenterin thyülo-o kejaphün pe hunkenthün shü.
27A nyugun le Aaron lo anyu dan bola, 28Pekejwephi, perün lo phinya ketsekhin, 29lo linen kegwa kenzi, kemeren, lo thyühü kenhon a-ge thazü kezegwa kethyü senkephin thyülo Npugü le Mosa ka zokeshü hontse. 30Anyugun le khikho kenshün kela zansü suna ketsin pe “Khikhope Npugü Tsü,” tse kethyü nme thu lo. 31Npugü le Mosa ka zokeshü hontse anyugun le tsüpe pekejwe mhundyüzin shüo ron kenzi pe phin shü.
Thatho Thyüpen Kelo
(Chw 35:10-19)
32Npugü kehü Phika günyu thathodan thyü penlo. Npugü le Mosa ka zokeshü hontse Israel nyu le tha aphu thyü külo. 33Anyugun Phika gü lo tsü kanyü aphu senryü Mosa tsüshü, hükesü, a-run, kenpere, kachon, a-pha ketun; 34a-kehen tenyü gi bü nhon kela; a-kehen thyügi kegwa; kesunphi; 35tsopon hvu lo shükebin Kejozenkelo Khinpha, a-kepenvü, lo shwikenjünbin; 36Miz lo tsüka kanyü aphu; khipe Sunggigü ketsü tensü; 37suna ketsin makenbenbin lo makhin dan, tsünyu kanyü aphu, lo makhin dan ka kesen terzü; 38suna kershvubin; yün kehü terzü, tharün kegwa; Phika günyu keyü khenpvü kesunphi; 39lazo kershvubin, lo a-kekhen, kepenvü lo tsü kanyü aphu; sülakehü khunda lo tsü kedunbin; 40kamhun kesunphi lo tsü kachon lo a-pha ketun; kamhun nyu keyü khenpvü kesunphi lo ron dan; Phika gü genyu tsekesü; lo Phika günyu kesen kanyü aphu; 41lo püshükedanyu no kenshün bin nyu keben phinya kegwadan, Aaron püshükeda gü lo anyudan kenshün phinya. 42Npugü le Mosa ka zokeshü hontse Israel nyu le thatho aphu thyülo la. 43Mosa le tsü aphu shwishüo, anyugun le Npugü le zokeshü hontse thyülo kela hyulo. Tsügenyu Mosa le jochü pe anyugun tsü.
Currently Selected:
CHWEKETIN 39: REGSBSI
Highlight
Copy
Compare
Share
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
