HEBRUTE 1
1
Jesu Khrist, Pathian Thupotu
1Pathian, nidanglai api-le-pute kiang a seh tampi leh lam chiteng a zawlneite zang a thu na genpa'n, 2tu hun nanung ah eite kiang ah a Tapa in thu ahon genta hi. Huai mi bangkim gouluahpa ding in asiam a, huai mi mah in khovel asiam hi. 3Amah ah athupina vak leh atak batpih leh ama thilhihtheihna a bangkim tungdingpa hi in, i khelhnate sianna abawl khit nung in tunglam a thupina khut taklam ah ava tuta hi.
Angelte Tung A Ahi
4Angelte sang a min ngaihzaw amuh bang in amaute sang a tungnungzaw tham ana hi him hi. 5Angelte lak ah kua kiang ah hiai thute agen ngei a?
“Nang zaw ka Tapa na hi a,
tuni in ka hon neikhia,” chih leh
“Amah a ding in Pa ka hi dia,
amah kei a ding in Tapa ahi ding,”
6Huan ata neihsun khovel a apilut lai in,
“Pathian angelte tengteng in leng amah chibai buk uhen,” achi hi.
7Huan angelte tungtang thu ah,
Ama'n zaw a-angelte huih in asuaksak a,
anasemte leng meikuang in asuaksak chi in agen hi.
8Tapa tungthu ah bel,
“Pathian aw,
na laltutphah tangtawn in a-om ding hi;
dikna kumpi chiang leng na gam kumpi chiang ahi, chi in agen hi.
9Diktatna na it a, tatlekna na hua a; huaiziak in Pathian,
na Pathian in na lawmte sang in nang kipahna thau ahon nilh hi.”
10Huan nang,
“Toupa'n, atung in leilung kingakna na phum khin a,
vante leng na khutsuak ahi;
11Huaite ahong mangthang ding
ua, nang bel om tawntung ding na hi;
huaite tengteng puansilh bang in ahong lui ding ua,
12Puan bang in na zial ding a,
puansilh bang lel in ahong lamdangta ding a; nang bel angeingei na hiden a,
na kumte leng amang kei ding,” chi in.
13Himahleh angelte akua pen kiang ah ahia hiai agen ngei?
“Na melmate na khepek ngakna a ka bawl masiah ka taklam ah tu in, chih.”
14Angelte tengteng nasepna khate, hotdamna gouluah dingte a dia nasem ding a sawlkhiak ahi kei ua hia?
Currently Selected:
HEBRUTE 1: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
