EPHESATE 3
3
Khrist A Pathian Thuguk
1Hiai ziak in kei Paul, nou Zentelte ziak a Khrist Jesu hentapa in, 2noute a dia Pathian hehpihna nasepna piak a om ka hihdan na za thamta ding uhi. 3Huchi a kilakna tungtawn a Khrist thuguk ka kiang a theihsak a a-omdante; tuma a tomchik a ka gelh bang in. 4Huai na sim un Khrist thuguk ka theihdan na thei ding uhi. 5Tu hun a asawltak siangthoute leh azawlnei siangthoute kiang ah Kha theihsak a a-om bang in, tuma lam in mihing tate kiang ah theihsak in a-om ngei kei hi. 6Huai thuguk hiai ahi, tanchinhoih ziak in Khrist Jesu ah, Zentelte gouluahpihte, pumpi hiangte leh thuchiam tanpihte ahi uhi.
7Athilhihtheihna nasepdan bang a, Pathian hehpihna thawnpiak bang zel in huai tanchinhoih nasemtu ding a bawl ka hi. 8Kei, misiangthou tengteng lak a neupen sang a neuzaw kiang ah, hiai hehpihna piak ahi, Khrist hauhsakna suikhiak vual louh Zentelte kiang a gen ding in; 9huan Pathian thil bangkim siampa a tangtawn a sel a na om, thuguk kisel bang ahia chih mi tengteng musak ding in, 10Pathian pilna chiteng van munte a kumpi vaihawmte leh thuneihnate kiang a saptuamte zang a, tu hun a theihsak ahihna ding in. 11Hiai atangtawn thiltup dungzui a Toupa Khrist Jesu a atup leh sepdan ahi. 12Khrist Jesu i gin ziak in amah mah ah maingalna leh kimuanna toh luttheihna i nei hi. 13Huchi in noute ziak a ka gimthuak ziak in lungke lou ding in ka hon ngen hi, huaite na thupina uh ahi.
Ephesate A Ding A Paul Thumna
14Huaiziak in i Toupa Jesu Khrist Pa ma ah ka khukdin hi, 15lei leh van a inkuan chiteng min phuahkhiakna pa, 16athupina hauhdan bang zel a, ama Kha ziak a mihing sunglam a thilhihtheihna a hihhat a ahon omsak theihna ding in. 17Huan na lungtang ua Khrist ginna a atentheihna ding in, a-itna a noute zungkai leh kingakna nei a na omtheihna ding un, 18misiangthou tengteng toh azatdan, asaudan, asandan leh athukdan theihchet theihna leh, 19Khrist itna theih phak louh, Pathian taangchinna chiteng bang a hihdim a na omtheihna ding un.
20Huan eimah a sem zel thilhihtheihna bang in, i nget leh i ngaihtuah tengteng sang a thupizaw tham hihtheipa kiang ngei ah, 21tangtawn in suan tengteng tan in, saptuamte leh Khrist Jesu ah thupina om hen, Amen.
Currently Selected:
EPHESATE 3: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
