2 TIMOTHI 4
4
Paul Leh Pahtakman
1Huaiziak in Pathian ma leh akilatna leh alalgam a misi leh mihing tung a vai hawm dingpa, Toupa Jesu Khrist ma ah mohpuakna ka hon guan hi. 2Thu gen in; ahun hi in ahun lou ah leng pang zel in; thuakzoutak a thuhilh kawm in asiamlouhdan uh theisak inla, taihilh inla, hanthawn in, 3thuhilhna dik angaihkhiak ngap louh hun uh ahong tung ding a; abilte uh azau ziak in amau deihlam bang in heutute akiang uah akhawm ding uh; 4abilte uh thutak lam ah angongsak ding ua, tangthu lam naih in apialta ding uhi. 5Nang zaw bangkim ah pilvang in, gimthuak inla, tanchinhoih genna lam nna sem in na nasepna pen hihtangtung in.
6Kei zaw tu in leng luikhiak in ka om lellel a, ka pawt hun atungta hi. 7Douna hoih tuh ka dou khinta a, kitaitehna ka tai khinta, ginna ka lenkip paisuakta hi. 8Tu'n ah zaw kei a ding in Diktatna Lallukhu koih in a-omta, Toupa vaihawmpa diktat in huai ni chiang in kei ahon pe ding, kei kiang kia hilou in akilakna it peuhmahte kiang ah ape sam ding hi.
Mimal Kithuhilhnate
9Kintak in ka kiang a hong pai pah hon tum in; Dema in tulai khovel a-it ziak in hon paisan a, 10Thessalonika ah apaita hi; Galatia gam ah Kristens apai a, Dalmatia gam ah Titas apaita hi. 11Luka kia ka kiang ah a-om hi. Marka chial inla, hon pi in, amah nasepna lam ah kei a ding in aphatuam hi. 12Ephesa ah Taikika ka sawlta. 13Na hong pai chiang in Troas a Karpas kiang a puanaktual ka nutsiat, laibute toh hon tawi in, savun lai mahmah hon tawi in.
14Alexander, dalsun siampa, ka tung ah agilou mahmah hi. 15Toupa'n athilhih bang zel in athuk ding; amah lak ah nang leng pilvang in, i thu adou mahmah hi.
16Ka siamna thu ka gen masakpen in kuama'n ahon gum kei ua, ahon zuausan vek uhi; amoh pua in om tuan kei uhen. 17Tanchinhoih keimah ziak a hilhkim a a-omtheihna ding leh Zentelte'n azaktheihna ding un, Toupa'n hon gum a ahon hihhat zawta hi; humpinelkai kam a kipan in suahtaksak in ka omta hi. 18Toupa'n gitlouhna tengteng lak a kipan in ahon suaktasak dia, avan-gam ah bittak in ahon tun ding; ama kiang ah tangtawn in thupina om hen. Amen.
Chibai Bukna Nanungte
19Priscilla leh Akuila, Onesiphoras inkuanpihte toh, chibai hon buksak in. 20Korinth ah Erastas a-om gige a, Trophimas bel Melita ah damlou in ka nusia hi. 21Phalbi ma in hong pai teitei in, Iubalas, Pudens, Linas, Klaudia leh unau tengteng in chibai ahon buk uhi.
22Toupa Jesu Khrist in na kha ompih hen.
Na kiang ah hehpihna om hen. Amen.
Currently Selected:
2 TIMOTHI 4: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
