2 TIMOTHI 1
1
Chibai Bukna
1Paul, Pathian deihdan a Khrist Jesu a om hinna thuchiam dungzui a, Khrist Jesu sawltak in, 2ka tapa deihtak Timothi kiang ah, Pa Pathian leh Khrist Jesu i Toupa kiang a kipan hehpihna, zahngaihna, leh khamuanna om hen.
Kipahthu Genna
3Sun leh zan khawl lou a ka thumnate a nang hon theigige in, ka pipute a kipan a sia-le-pha theihna siangtak nei a ama nna ka sep gigena pa, Pathian kiang ah kipahthu ka gen a, 4kipak a ka dimtheihna ding in hon muh ka ut mahmah hi, na khitui theigige in. 5Ginna taktak nangmah a om ka theigige a, huai ginna atung in na pi Lois ah a-om a, huan na nu Iunis ah, tu in nangmah ah leng a om chih diktak in ka theichian hi. 6Huaiziak in ka khut ngak ziak a Pathian thilthawnpiak nangmah a om pen mutkuang ding in ka hon theisak hi. 7Pathian in launa kha ahon pe kei a, thilhihtheihna leh itna leh kithuzohna kha ahon pe zaw hi.
Hangsan Ding A Thuhilhna
8Huchi in i Toupa thu theihsak zumpih ke'nla, kei ahentapa leng hon zumpih sam ke'n. Tanchinhoih ziak a gimthuak Pathian thilhihtheihna dungzui in hon thuakpih zaw in. 9Ama'n i thilhihte bang hilou in, ama seh leh hehpihna bang zaw in hon hondam a, sapna siangthou in ahon sam hi; huai hehpihna leilung pian ma a Khrist Jesu a hon piak ahita hi. 10Himahleh i Hondampa Khrist Jesu kilakna ziak in tu in hihlat in a-omta hi. Ama'n sihna hihmang in, tanchinhoih in hinna leh sih theihlouhna ahihlangta hi.
11Huai tanchinhoih theisak ding a tangkoupihpa, sawltak leh sinsaktu a seh ka hi. 12Hiai ziak in ahi, hiai thilte leng ka na thuak. Himahleh ka zum kei; ka ginpa ka thei a, akiang a ka kepsak huai ni a ding in akemhoih thei chih diktak in ka thei hi. 13Khrist Jesu a om ginna leh itna nei in, ka kam a thudik na zakte zui tinten in. 14I sung a teng Kha Siangthou hon kepsak thutak kemhoih in.
15Asia gam a om tengtengte'n ahon nungngatsan uh chih na thei a; alak uah Phigelas leh Harmogenes apang uhi. 16Toupa'n Onesiforas inkuanpihte kiang ah zahngaihna pia hen aw, ama'n ahon hihhalh zelzel ziak in; leh ka khainiang but leng ahon zumpih kei hi. 17Rome ahong tun in hon limzon ngial a, ahong mukhia hi. 18Huai ni chiang in Toupa kiang a zahngaihna mu ding in Toupa'n amah sep hen. Ephesa a anasep thupidan na thei hi.
Currently Selected:
2 TIMOTHI 1: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
