1 THESSALONIKATE 1
1
Chibai Bukna
1Paul, Silvanas leh Timothi in, Pa Pathian leh Toupa Jesu Khrist saptuam Thessalonika a omte kiang ah, Pathian i paleh Toupa Jesu Khrist a pan hehpihna leh khamuanna na kiang uah om hen.
Thessalonikate Phathuaina
2Ka thumna uah na min uh lou in, nou tengteng ziak in Pathian kiang ah kipahthu ka gen gige uhi. 3I Pathian leh Pa ma ah ginna ziak a na thilhihdan uh leh itna ziak a na sepgimdante uh, Toupa Jesu Khrist lametna ziak a na kuhkalna uh mangngilh lou a, theigige in. 4Unau Pathian ngaihtakte aw, nou ahon teldan ka thei uhi. 5Ka tanchinhoih uh thu kia a na kiang uh hong tung lou in thilhihtheihna leh Kha Siangthou leh nakpi a theihchetna toh ahong tung zaw hi. Noumau makhua ngaihtuah in na tung uah bangchibang mi ka hita ua chih na thei uhi. 6Huan thuhaksa thuak kawm in, Kha Siangthou a kipak in na pom ua, koumau leh Toupa zuite na hita uhi. 7Huchi in Masidonia leh Akhaia gam a gingtu mi tengteng a ding in etton ding na hi uhi. 8Toupa thu noumau a kipan in Masidonia leh Akhaia gam kia hilou, mun chih ah Pathian lam a na ginna uh athangkheta hi, kou bangmah ka gen uh akiphamoh nawn kei hi. 9Amau mahmah in bangchibang vualzawlna toh na kiang ua ka hong lutdan uh ahon theisak uhi. Nou milimte a kipan a Pathian lam na hong ngat takdan uleh Pathian hing leh dik nasem ding leh, 10van a kipan a Tapa, misi lak a kipan a akaihthoh, thangpaihna hong tung ding lak a kipan hon suaktasakpa, huai Jesu ngei na ngak ding in.
Currently Selected:
1 THESSALONIKATE 1: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
