1 PETER 4
4
Pathian A Ding A Hinna
1Huchi in Khrist in taksa a athuak ziak in nou leng huchibang lungsim in kivan un; sa a thuak khinsa in gilou atawpsanta hi. 2Huchi in tunung sa a om lai teng mihing duhgawlna lam bang a om lou in, Pathian deihlam in a-omta hi. 3Zentelte ut lam hihna, huknate, tak taksa utnate, uain hainate, zu khamnate, milim biakna kihhuaitakte tuma lam a hihsa teng i na zang khin ngal a. 4Huai a amau nuambawl luatna bang a noute'n tu a na bawl sam louh uh lamdang asa ua, nou ahon gense nak uhi. 5Amau mihing leh misite ngaihtuah ding a mansa kiang ah atanchin uh agen ding uhi. 6Hiai ziak in ahi, misite kiang a leng tanchinhoih gen a hih, sa a om mihingte bang a ngaihtuah in om mah le uh, kha a bel Pathian bang a ahintheihna ding un.
7Himahleh thil tengteng tawpna anaita, huaiziak in na thumtheihna ding un lungsim diktak pu in pilvang un. 8Bangdang teng sang in phatuamngaitak in ki-ittuah chiat unla; itna in gilou tampi akhuh zel hi. 9Phun lou in kizintun tuah unla; 10michih in thilpiak na muh bang zel un, Pathian hehpihna chiteng kemhoihte bang in huaite in nna kisepsaktuah chiat un. 11Mi kuapeuh in thu agenleh Pathian thute bang in gen hen; mi kuapeuh in nna asepleh Pathian in hatna apiak bang in sem hen; huchi in Jesu Khrist ziak in thil bangkim ah Pathian pahtawi in a-om thei ding, thupina leh vaihawmna tangtawn in amah a ahi, Amen.
Khrist Min A Thuak Hamphatna
12Deihtakte aw, na lak ua ze-etna thupitak hong om, noumau ze-etna ding a na tung ua hong tung, thillamdang na tung ua tung bang in lamdang sa kei un. 13Khrist thuaknate thuakpihte na hihdan bang zel un kipak zaw un; huchi in athupina a ahong kilak chiang in noumau leng nuamtak in na kipak thei ding uhi. 14Khrist min ziak a tai na hih uleh, na hampha uhi; na tung uah thupina kha leh Pathian kha a-om gige hi. 15Himahleh na lak uah kuamah in tualthatmi ahih ziak hiam, midangte thilhih gensakmi ahih ziak hiam in thuak kei hen. 16Himahleh, Khristian ahih ziak a athuakleh zum kei hen; huai min pu ahih ziak in Pathian pahtawi zaw hen.
17Pathian inkuanpihte ah vaihawmna pat ahunta hi; huan eite ngei a apan masakleh Pathian tanchinhoih thumangloute tawpna bangchi phet ahi diam aw? 18Huan,
“Midiktat nangawn hotdam liailiai ahih in,
Pathian limsak lou leh migiloute koi ah bang asuak ding ua?”
19Huaiziak in Pathian hoihsak bang a thuakte'n thil hoih hih in akhate uh Siampa muanhuaitak kiang ah kemsak hen.
Currently Selected:
1 PETER 4: PAITBSI
Highlight
Copy
Compare
Share
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
