HLAHAI HLA 8
8
1Aw nang chu ka ṭapa,
Ka nu nênehai netu ngei ni la chu aw!
Tuola ka hmu che khawmin, fâwp ka ti che;
Anih, tukhawma mîn zâpui naw nih.
2Ṭhuoi ka ti cheh a, ka nu–
Mi lo inchûktirtu ding ina chun ṭhuoi ka ti che,
Uoin rim inhnik indâwntir ka ti cheh a,
Ka theibufai tui chu.
3A kut vawitieng chu ka lu hnuoiah siein,
Chun, a kut changtieng chun kei mi hang kuo sien chu aw!
4Aw Jerusalem naunuhai, ka ngên cheu hi,
Ka hmangai chu sukṭhang naw unla, suktho bawk naw ro, a nuom hmakhat chu.
Hmangaina chu thina anga hrât a nih Nunghâkhai
5Thlalêra inthawka a hmangaitak ringsana
Hungnu saw tu am a na? Nunghâk
Apple thing hnuoia chun ka keiṭhang cheh a,
Chutaka chun i nu chu nanga leia nauhase nat chun a um a,
Chutaka chun nanga neitu che chu nauhase nat tuorin a um tah.
6I lungril chunga chun inchikna ang le,
I bân chunga chun inchikna angin mi sie la;
Hmangaina chu thina ang elin a hrât sih a;
Itthîkna chu thlân ang ela rilo a na;
A chawkhai chu meichawk a na,
LALPA meichawkhai ngei chu.
7Tui tamtakin hmangaina chu a sukre thei nawh a,
Tuilien khawmin a chîm hmang thei nawh.
Miin a ina thuomhnaw po po chu hmangaina ta dingin pe sien khawm,
Hmusit let dêr nîng a tih. Nunghâk ṭahai
8Farnu chitê kan nei a,
Ama chun nênehai a nei nawh a;
Ei farnu ta ding chun ieng am thaw tâng ei ta,
Ama chanchin chu hrila a um nia chun?
9Ama chu kul ni sienla chu,
Tangkaraw in ropui a chungah bâwl ei ta;
Ama chu kawtkhâr ni ta sienla,
Ama chu sidar thingphêkhaiin sukbit ei tih. Nunghâk
10Kei chu kul bang ang ka na,
Ka nênehai chu chutaka in insâng ang;
Chun, ama mithmua chun mi inremna hmutu ang chu ka nih. Tlangvâl
11Solomon chun Baal-hamona chun grêp huon a nei a,
Grêp huon chu a enkawltuhai kuomah ân umtir a;
Mi tinin chutaka theira man ding chun tangka sâng khat an hung lâk hlak ding a nih.
12Ka grêp huon, ka ta chu, ka hmaa chun a um a;
Nang aw Solomon, sâng khat chu nei i tih;
Chun, chutaka a theira vêngtuhai chun za hnih.
13Huonahai chun nang chu i chêng a,
Ruolhai nangma râwl ngaituhai chun;
Kei khawm an mîn ngaitir a. Nunghâk
14Ka hmangaitak, inhmaw rawh;
Sakhipui amanih, sazuk tuoi amanih ang ni rawh,
Riminhnik tlânghai chunga chun.
Currently Selected:
HLAHAI HLA 8: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
