ISAI 1
1
Hnam suoltak chu
1 #
Nam 12.6 Amoz naupa Isaiin Judahai lal Uzzia, Jotham, Ahaz le Hezekia hai inlal laia Judahai le Jerusalem chungchâng thua inlârna a hmu chu.
2Aw vânhai, ngai unla, aw lei- hnuoi, na sit rawh, LALPA chun thu a hril ie: “Nauhai chu ka châwm puitling a, ka chungah an hel ta sih a.
3 #
Jer 8.7
Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si nawh a; ka mihai chun an ngaituo naw a nih,” tiin.
4 #
Mt 3.7
A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.
5Iengdinga hel zuol deu deu a, vuoka la um rawp ding am in nih a? Lu chu a pumin a nah a, lungril khawm chu a pumin a châu tah.
6Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping nawh a, an tuom bawk nawh a, sahriek khawm an nâl bawk nawh.
7In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.
8Zion naunu chu grêp huona vêngbûk ang le, fanghma huona ṭu ang le, khawpui inhuolvêl anga mâksanin a um tah.
9 #
Rom 9.29 Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.
Simna indik nei dinga kona
10Sodom rorêltuhai, LALPA thu hi hre unla, Gomorra mihai, ei Pathien dân thua hin na sit ro!
11LALPA chun, “In inthâwina zozai hi ka ta dingin ieng am a ṭhang- kaina a um a? Berâmchal pumraw- hmanga inhlân le, ran châwm thâu- hai thâu chu ka nghawk tah; bâwng- chalhai le berâmte le kêlchalhai thisena hin ka lâwm ta nawh.
12Ka hmaa hin inlang dinga in hung hin, ka biekin inhuon sûng tuollai hi sir dingin tuin am a phût cheu a?
13 #
Mt 15.9
Thilpêk mei meihai chu hung chawi ta ngai naw ro; thil riminhnik khawm chu ka ta dingin thil tirdak- umtak a nih; thla thar dâm, châwlni dâm inkhâwmpuia infiel khâwm dâm mei mei chu ka ngai thei naw tawp el; khawhlona mei mei a nih, inkhâwm ropuitak khawm hi.
14In thla tharhai le in hunbi nei ruoiṭhehai chu ka lungril chun a theida a nih; ka ta dinga thil hnawk- saktak a nih, tuor ka nghawk tah a nih.
15 #
Tv 1.28; Mik 3.4 Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip sih a.
16 #
Rom 12.9
Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;
17rorêlna fel zawng unla, nêk- sâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.
18LALPA chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.
19Tiâwitak le thuâwitaka in um chun, in rama thil ṭhahai hi fâng in ta;
20 #
Tit 1.2
nisienlakhawm, in nuom nawh a, in hel chun kâwlhnâmin fa zo a ti cheu; LALPA bau chun chu chu a hril tah a nih,” a ta.
Zion chunga rorêlna le intlansuokna
21Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.
22I tangka chu a êksiein ân chang tah a, i uoin chu tui le pawl a ni tah a.
23I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.
24Chuleiin, LALPA, Sipaihai LALPA, Israelhai Mi Hrât chun, hieng ang hin a hril a nih: “A! A mi dotuhai hi sukfithla el ka ta, ka hmêl- mahai chungah phuba lâng ka tih:
25chun, i chungah ka kut thlâk nâwk ka ta, i êksie chu faitakin sukbo ka ta, i suon po po chu la hmang vawng ka tih:
26chun, i chungah rorêltuhai chu a tîra an um ang khan inumtir nâwk ka ta, i sûnga remruottuhai chu a hmasa taka an um ang khan inumtir nâwk bawk ka tih; chu hnunga chun, ‘Felna khawpui, khawpui ringumtak,’ la tîng an ti che.
27Zion chu rorêlna fela sansuok ni tâng a ta, a sûnga mi nghakîr nâwkhai khawm felnaa sansuok nîng an tih.
28Nisienlakhawm, bawsetuhai le mi suolhai suksietna chu um inruol a ta, LALPA mâksantuhai khawm sukbohmangin um an tih.
29In thingsaisuo dittakhai chu inzâpui tâng an ta, in huon thlanghai lei chun inzaktakin in um ta ding a nih.
30Thingsaisuo a hna vuoi ta le, huon tui hmu naw ang el hi in ni ding a nih.
31Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.
Currently Selected:
ISAI 1: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
