HLAHAI HLA 7
7
1Aw lal naunu,
I kehai chu hawlrawk kekawk le chun a va mawi de!
I maltê mûmhai dâm chu lunghlu ang a nih,
Mi themthiemtak kut sinthaw ang chu.
2I laibu chu berbu ang a na,
Uoin inchawkpawla tlasam ngai naw ang chu.
I phîng chu buhlûm,
Lilihai ihuol vêl ang chu a nih.
3I nênehai chu sakhite pahni,
Sakhipui tê ṭhienghai ang chu a nih.
4I rîng chu saiha in insâng ang a na,
I mithai chu Bath-rabbim dai kawtkhâr bula,
Hesbona dîlhai ang chu a nih;
I hnâr chu Lebanona in insâng,
Damaska tienga ngha ang chu a nih.
5I lu chu i chunga chun Karmel ang a na,
I lua sam chu a sen êm hieu a,
I samtlai ṭhatzie hi lalin a tuor zo nawh.
6Aw hmangai, lâwm i umin,
I hmêl a ṭhain, lung i sukâwi ngei de aw!
7I dung insângzie hi intûm thing ang i na,
I nênehai chu grep ra bâwr ang.
8“Intûm thinga hin hang lâwn ka ta,
Chutaka a kauhai chu chel ka tih,” ka tih a.
I nênehai chu grêp hrui bâwr ang chu ni sienla,
I thuok rim chu apple rim ang ni raw se. Nunghâk
9Chun, i bau chu uoin ṭhatak,
Ka hmangaitak ta dinga luong thla ziei ziei a,
Mi a inhai hmûra luong lût pei ang chu a nih.
10Ka hmangaitak ta chu ka na,
Chun, a châk zâwng khawm keia tieng a nih.
11Hung rawh, ka hmangaitak, phûlah fe suok ei ta,
Khuoahai khin riek ei tih.
12Grêp huonahai chun zîngkâr fêng ei ta,
Grêphruihai chu a kumûm tahin, a pârhai chu a pâr ta am,
Theibufaihai khawm chu a pâr ta am ti en ei tih;
Chutaka chun ka hmangaina chu pêng ka ti che.
13Zâwldiai chun a riminhnik a suksuok a,
Chun, ei kawtkhâr bula chun theira hlutaktakhai chi tinrêng,
A hlui le a thar a um ṭeu a,
Chuong chu i ta dinga ka siekhâwl a nih, aw ka hmangaitak.
Currently Selected:
HLAHAI HLA 7: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
