HLAHAI HLA 6
6
1Khâw tieng am i hmangaitak chu a fe tah a,
Aw nang nuhmei laia hmêlṭha tak?
I hmangaitak chu khâwtieng am ân her tah a,
Nang leh ama chu kan zawngpui theina ding chein?
2Ka hmangaitak chu a huonah, riminhnikhai bila chun a feh a,
Huona chun vân suktlai ding le, lilihai va la khâwm dingin.
3Ka hmangaitak ta chu ka na, ka hmangaitak chu ka ta a nih,
An ran ruolhai chu lili lai chun ân tlattir a.
Moneituin mo ân pâk Tlangvâl
4Aw ka hmangai, Tirza angin i mawi a,
Jerusalem angin ngaino i bei a;
Puonzâr le sipai ruol angin ṭi i um bawk a.
5Keimaa inthawkin i mithai chu la kieng rawh,
An mi sukṭi ta sih a.
I sam chu kêl ruol, Gilead sîr panga tlahai ang chu a nih.
6I hahai chu berâmpui ruol,
Insilnaa inthawka hunghai ang chu a nih;
A kawp kawpin an um seng a,
Anni lai chun a tukhawm a khâtin an um nawh.
7I barêphai chu theibufai hlek ang a na,
I puon lukhum hnuoia chun.
8Lalnu sâwmruk le, thaikêm chu sâwmriet an um a,
Chun, nunghâk chu tiem sêng lo.
9Ka vaṭhu, ka ṭha famkim chu, pakhat chau a nih;
Ama chu a nu nau nei sun a na,
Ama châwitu nu lunglam tak chu a nih.
Naunuhmeihai chun an hmuh a, ama chu vângnei an tih a,
Anih, lalnuhai le, thaikêmhai le chun ama chu an inpâk a.
10Vârṭien ang ela hung dâk suok a,
Thlapa ang ela hmêlṭha a,
Nisa ang ela inthieng a,
Puonzâr le sipai pâwl ang el a ṭium khi tu am a na?
11Makha huona chun ka zu fe thlah a,
Phai ruoma thil phun hringhai chu en ding le,
Grêp hruihai chu an inder ta am,
Theibufaihai chu an pâr ta am ti en dingin.
12Annawleh, kân ring naw kâr,
Ka thla chun, ka mi dit zâwnghai sakawr tawlailîr lai a mi sie tah a. Nunghâkhai
13Kîr#Lâm tia inlet a ni bawk rawh, kîr rawh, aw Shulam mi,
Kîr rawh, kîr rawh, kan en theina ding chein; Nunghâk
Mahanaim lâm en ang el chun,
Iengdingin am Shulam mi chu en i ta? Tlangvâl
Currently Selected:
HLAHAI HLA 6: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
