HLAHAI HLA 5
5
1Ka farnu, ka huona chun ka hung ie, ka mo,
Ka riminhnik leh ka murra chu ka lâk khâwm a;
Ka khuoizu le ka khuoithlâr chu ka fâk a;
Ka bâwng nênetui leh ka uoin chu ka dâwn tah. Nunghâk
Aw ruolhai, fa ta u,
Dâwn unla, dâwn ṭeu ro aw hmangaitak.
Inṭhe rinumzie Nunghâk
2Ka lo in a, ka lung ruok chu a har a,
Chu! ka hmangaitak chu a hung nâwk ie, Tlangvâl
“Mi hung hawngpêk rawh, ka farnu, ka hmangai, ka vaṭhu, ka ṭha famkim;
Ka lu chu daidâwin a sukhu a,
Ka sam chu zân hnâwngin,” tiin. Nunghâk
3Ka zakawchung chu ka hlîp tah a, iengtin am hâk nâwk ka ta?
Ka kehai chu ka sâwp tah a, iengtin am sukbal nâwk ka ta?
4Ka hmangaitak chun kawtkhâr âwnga chun a kut a hung pur a,
Chun, ama ta dingin ka lungril chu a hung châng tah a.
5Ka hmangaitak chu hawngpêk dingin ka tho tah a,
Ka kuthai chu murrain a far a, ka kutpârhai chu murra tuiin,
Kawtkalna bâwk chunga chun.
6Ka hmangaitak chu ka hawngpêk a;
Nisienlakhawm, ka hmangai- tak chu a lo intâwlhmang a, a lo fe hmang tah a,
Thu a hung hril lai khan ka thlain a mîn âwimâwtir a;
Ama chu ka zawng a, anachu ka hmu nawh a;
Ama chu ka ko a, anachu a mi dawn nawh.
7Vêngtuhai khawpuia fe vêlhai chun an mi hmuh a,
An mi vuok a, an mi sukhliem a;
Kul vêngtuhai chun ka puon lukhum an mi lâkpêk a.
8Aw Jerusalem naunuhai, ka ngên cheu, ka hmangaitak kha in hmu chun,
Hmangainain ka na a nih, ti ama chu hril ro.
Moin moneitu ân pâk Nunghâkhai
9I hmangaitak chu mi danghai hmangaitakhai leh a chuong a liemna,
Aw nang nuhmeihai laia hmêlṭhatak, ieng am a um bîk a?
I hmangaitak chu mi danghai hmangaitak le a chuong a liemna ieng am a um bîk a,
Chuong ang lâwma i mi ngên chu? Nunghâk
10Ka hmangaitak chu a ngo sen sier a,
Sâng sâwm laia chun a ṭha tak a nih.
11A lu chu rângkachak inthiengtak ang a na,
A samtawm chu ân bukin, vaâk angin a dum a.
12A mithai chu vadungtê tui kâwla vaṭhu mithai ang a na,
Nênetuia sâwp, inremtaka inbûk.
13A bienghai chu riminhnik bil, rim inhnik insuo hlak ang a na,
A hmûrhai chu lili, murra tui infartir ang chu a nih.
14A kuthai chu rângkachak tluon, berul lung phûm ang chu an na,
A taksa chu saihaa siem, Sapphir lunga tuom ang a nih.
15A kehai chu sailungvâr banhai, rângkachak inbûkna kuoa inbûk ang a na.
A hmêl inlang dân chu Lebanon, sidar thinga ṭha bîk rieu ang chu a nih.
16A bausuok chu a thlum a, anih, dit a um pumhlûm el a nih;
Hi hi ka hmangaitak chu a na, hi hi ka ruol chu a nih,
Aw nangni Jerusalem naunuhai. Nunghâkhai
Currently Selected:
HLAHAI HLA 5: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
