HLAHAI HLA 2
2
1Sharon rose pâr,
Phairuom lili ka nih. Tlangvâl
2Hling laia lili ang hi
A nih ka hmangaitak chu, nunghâkhai laia chun. Nunghâk
3 #
Tp 22.1,2 Ramhnuoi thinghai laia apple thing ang el
A nih ka hmangaitak chu, tlangvâlhai laia chun.
Inhawi titakin a hlima chun ka ṭhung a,
A ra chu ka baua chun a thlum a nih.
4Bu fâkna ina chun a mi ṭhuoi a,
Ka chunga a puonzâr chu hmangaina a nih.
5Grêp ra ṭâwl bâwrhai le chun mîn umtir la
Apple chun mi sukhlim rawh.
Hmangainain ka na sih a.
6A kut vawitieng chu ka lu hnuoiah a um a,
A kut changtieng chun a mi kuoh a.
7Aw Jerusalem naunuhai, ka ngên cheu,
Phûla sazukpuihai le sakhihaiin,
Ka hmangai chu sukṭhangin suktho naw ro,
Ama a nuom hmakhat chun.
Hla pahnina Nunghâk
8Ka hmangaitak râwl chu, ngai ta, a hung ie,
Tlânghai chunga hung inchâwmin, muolhai chunga hung inhnelin.
9Ka hmangaitak chu sakhi amanih, sazuk la amanih ang a na,
Ngai ta, ei bang phênah a ngîr zing.
A hung bi khu tukvera chun,
Zâwngdaikal âwngah ân lang.
10Ka hmangaitak chun a hril a, ka kuomah, Tlangvâl
“Ka hmangai, ka enchimlo, tho la, hung rawh.
11En ta, phalbi a liem tah a,
Raw sûr khawm ân khêl tah a, a fe liem tah;
12Hnuoi chunga chun pârhai an hung inlang a,
Vatehai hlasak hun a hung tlung tah a,
Ei ramah vaṭhu râwl chu hriet a ni tah.
13Theichang thinghai chun ra a hung insuo a;
Grêp hruihai khawm chu a kumûm tah a,
An riminhnik chu an tirsuok a,
Tho la, ka hmangai, ka hmêlṭha, hung rawh,” tiin.
14Aw ka vaṭhu, lungpui kawi kârahai chun chêng a,
Ṭênbaram kuokârhaia um,
I hmêl mîn hmutir la, i râwl mîn hriettir rawh;
I râwl chu ân nêm a, i hmêl hlak ngaino a bei sih a.
15Sihalhai, sihal chînhai chu mi manpêk la,
Grêp huon suksetuhai chu,
Ei grêp huon chu a pâr lai tak a ni sih a.
16Ka hmangaitak chu ka ta a na, kei khawm a ta ka nih;
Ama chun a ran ruol chu lilihai lai chun ân tlattir hlak.
17Sûnni chu a hung dei a, hlimhai chu a fe hmang chenin,
Ka hmangaitak, kîr la, sakhi amanih,
Sazuk lâ amanih ang ni rawh,
Bether tlâng chunga chun.
Currently Selected:
HLAHAI HLA 2: HMARCLBSI
Highlight
Share
Copy
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
