HLAHAI HLA 3
3
Monu insuongtuonahai
1 #
Is 26.9 Zânah ka khum chungah ka thlain a hmangai chu ka zawng a,
Ama chu ka zawng a, anachu ka hmu nawh a.
2“Tuhin tho ka ta, khawpui chu fang vêl ka ta,
Kawtthlêrhaia le lamlienhaia chun,
Ka thlain a hmangai chu zawng ka tih” ka tih a.
Ama chu ka zawng a, ka hmu nawh a.
3Vêngtu khawpui fang vêltuhai chun an mi hmuh a,
An kuoma chun,
“Ka thlain a hmangai kha in lo hmu am?” ka tih a.
4Anni ka fe khêl hnung sâwt nawtêah,
Ka thlain a hmangai chu ka hmuh a.
Ama chu ka chel a, kân fetir ta nawh a;
Ka nu inah ka hung ṭhuoi a,
Kei a mi neitunu pindana ka hung ṭhuoi lût hmakhat chun.
5Aw Jerusalem naunuhai, ka ngên cheu,
Phûla sazukpuihai le sakhihaiin,
Ka hmangai chu sukṭhangin suktho naw ro,
Ama a nuom hmakhat chun.
Inneina buotsaina Nunghâk
6Meikhu intung lui lui anga
Thlalêra inthawka hung suok a,
Dâwrkai paudâr po po le,
Beraw le murraa innâl riminhnik hi tu am a na?
7En ta, a khum hi, Solomon ta hi,
Mi thilthawtheitak sâwmrukin an inhuol a,
Israel mi hrât khawkhênghai chun.
8Kâwlhnâm an chawi seng a, indonaa thiemsa an nih;
Mi tin chun an kâwlhnâm chu an êlpui chungah an pai seng a,
Zâna ṭitna lei chun.
9Lal Solomon chun inzâwnna khum a siem a,
Lebanon thingin.
10A banhai chu tangkaruoin a siem a,
A ṭuong rângkachakin, a ṭhungna a dumpâwlin,
A sûngril tieng chu hmangaina le rem a na,
Jerusalem nauhaiin.
11Aw nangni Zion naunuhai, fe suok unla, lal Solomon chu en ro,
Nuhmei a nei nia le a lungril a hlim nia a nuin lallukhum ân khumtir kha.
Currently Selected:
HLAHAI HLA 3: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
