HLAHAI HLA 1
1
Mo le Jerusalem naunuhai
1 #
1 Lal 4.32 Hlahai hla, Solomon ta chu.
Hla pakhatna
Nunghâk
2A baua fâwpnahai chun mi hung fâwp sien;
I hmangaina chu uoin nêk chun a ṭha lem sih a.
3I hriekhai chun rim inhnikna tak a nei a;
I hming chu hriek bun suok ang a nih;
Chuleichun, nunghâkhaiin an hmangai che a nih.
4 #
Hos 11.4; Jn 6.44; 12.2; Phil 3.12-14 Mi hîp la, i hnungah hung tlân kan tih:
Lal chun a pindanhaia chun a mi ṭhuoi a;
Nangmaa chun hlimin lâwm kan tih;
Uoin nêk chun i hming chu hung hril lem kan ta;
An hmangai takzet che a nih.
5Ka hâng a, nisienlakhawm, ngaino ka bei,
Aw nangni Jerusalem naunuhai,
Kedar puon inhai ang le,
Solomon puonzârhai ang el chun.
6Ka hâng êm leiin kei mîn sit naw unla,
Nisa chun a mi em duk leiin.
Ka nu naupasalhai chu ka chungah an lunginsen a,
Grêp huon enkawltuah an mi siem a;
Keima grêp huon ruok chu ka enkawl nawh.
7Aw nang ka thlain a ihmangai, mi hril rawh,
I ran ruol chu khâwlai am în tlattir a, sûn huna chun khâwlai am în châwltirna;
I pâwlhai ran ruol sîra chun,
Iengdinga invâk invâk ding am ka na? Tlangvâl
8Aw nang nuhmeihai laia hmêlṭha tak, i hriet naw a ni chun,
Ran ruolhai kehnunga chun i lampui chu zui suok la,
I kêltehai chu berâmpu puon in kâwla chun intlattir rawh.
Mo le moneitu chu
9Aw ka hmangai, Pharao sakawr tawlailîra,
Sakawr lâ le chun ka hrilkhi cheh a.
10I bienghai chu samphier le chun ngaino an bei hle a,
I rînga lunghlu ṭhihruihai le chun.
11Rângkachak ṭhi hrui,
Tangkaraw sûngphûm nei siempêk kan ti che. Nunghâk
12Lal chu a ṭhungnaa a ṭhung lai chun,
Ka spiknard chun a riminhnik a tirsuok a.
13Ka hmangaitak chu ka ta ding chun murra bâwm ang a na,
Ka âwmhai inkâra um ang hi.
14Ka hmangaitak chu ka ta dingin henna pârbâwr,
En-gedi grêp huona ang chu a nih. Tlangvâl
15Ngai ta, ka hmangai, i hmêl a ṭha, ngai ta, i hmêl a ṭha,
I mithai chu vaṭhu mit ang a nih. Nunghâk
16Ngai ta,i hmêl a ṭha, ka hmangai, anih, lung sukâwi;
Ei khum khawm a hring a.
17Ei in tlungpûmhai chu sidar thing an na,
Ei insunhai chu fâr thing an nih.
Currently Selected:
HLAHAI HLA 1: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
