INPÂKNA HLABU 98
98
Pathien indikna leia inpâkna Inpâkna Hla.
1Aw LALPA chawimawiin hla thar sak unla,
Thil maktakhai a thaw ta sih a;
A kut changtieng le a bân inthieng chun ama ta dingin sandamna a siempêk tah a.
2 #
Is 52.10; 62.2; Lk 2.30 LALPA chun a sandamna chu ân hriettir a,
A felna chu hnam tin mithmua chun chiengtakin ân langtir tah.
3Israel sûnghai chunga a ngilnei- zie le, a ringumzie chu a hriet zing a,
Kâwlkawdawnga mi po po khawmin ei Pathien sandamna chu an hmu tah.
4Leihnuoia um po pohai, LALPA chawimawiin hlimtakin khêk unla,
Khêk suok unla, hlimin hla sak ro; anih, inpâkna hla sak ro.
5Ṭingṭang leh LALPA inpâkin hla sak ro,
Ṭingṭang le inpâkna hla ri leh.
6Tawtawrâwthai le tawtawrâwt bi nei ri leh,
Laltak, LALPA hmaa chun hlimtakin khêk ro.
7Tuisuoriet le a sûnga um po po hi inri hum hum raw se,
Khawvêl le a sûnga chênghai le hin.
8Tuilienhai chun an kut ben sienla,
Tlânghai chu hlimin LALPA hmaa chun hla sak tâwl rawhai se.
9Hnuoi ro rêl dingin a hung ding a ni sih a,
Khawvêl hi feltakin ro rêlpêk a ta;
Thlierbîk nei loin mi tin ro chu rêl a tih.
Currently Selected:
INPÂKNA HLABU 98: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
