INPÂKNA HLABU 99
99
Israel ta dinga Lalpa ringumna
1LALPA chu lalah a ṭhung a, mi tin chu inthin raw se,
Ama chu cherubhai chungah a ṭhung a, hnuoi hi inhnîng raw se.
2LALPA chu Zion khaw sûnga chun ropuitak a na,
Mi tinrênghai chunga chun a chunghnung dai a nih.
3Anni chun i hming ropuitak, ṭîumtak chu inpâk raw se,
Ama chu ân thieng a nih.
4 #
Job 36.5-7 Laltak hrâtna chun rorêlna a ngainah a,
Nang chun thlierbîk nei nawna i sukdet hlak a,
Nang chun Jakobrawihai chungah ro i rêl a, feltakin i thaw hlak a.
5LALPA ei Pathien chu chawimawi unla,
A ke innghatna bula chun chibai bûk ro,
Ama chu ân thieng a nih.
6 #
Jer 15.1; Ex 14.15; 1 Sam 7.9 A thiempuhai lai chun Mosie le Aron,
A hming lamtuhai laia chun Samuel,
Anni chun LALPA chu an ko a, ama chun a dawn tah a.
7Sûm ngîra chun an kuomah thu a hril a,
A thuinhriettirhai le thuruot a pêk chu an zâwm a.
8Aw LALPA, kan Pathien, nang chun anni chu i dawn a,
Nang chu anni ngaidamtu Pathien i nih,
An thilthaw chungahai phuba la hlak la khawm.
9LALPA ei Pathien chu chawimawi unla,
A tlâng inthienga chun chibai bûk ro;
LALPA ei Pathien chu ân thieng sih a.
Currently Selected:
INPÂKNA HLABU 99: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
