INPÂKNA HLABU 97
97
Lalpa ram le a thilthawtheina
1LALPA chu Lalah a ṭhung a, hi hnuoi hi hlimtakin um sienla,
Thlierkâr tamtak takhai chu lâwmtakin um raw se.
2Sûmhai le inthim sâmup hi a vêlah a um a,
Felna le rorêlna fel chu a lalṭhungpha innghatna a nih.
3A hma tieng chun mei a feh a,
A vêla ama dotuhai chu a kâng hmang hlak.
4A kâwlinlephai chun khawvêl hi a el zawt zawt a,
Hnuoi hin a hmuh a, ân thin a.
5Tlânghai chu khuoihlu ang hin LALPA hmaah an intui hmang tah a,
Khawvêl po po LALPA hmaa chun.
6Vânhai khin a felna chu a tlânginsampui hlak a,
Mi tinrêng chun a ropuizie an hmu tah a.
7 #
Heb 1.6 Milim siemfâwmhai rawngbâwl- tuhai po po chu muolphoin um raw se,
Milimhai suongtuhai chu:
Nangni pathien po pohai, ama chibai bûk ro.
8Zion tlâng chun a hriet a, lâwmtakin a um a;
Juda naunuhai chu hlimtakin an um bawk a,
Aw LALPA, i rorêlnahai leiin.
9LALPA, nang chu hnuoi chung po poa hin a chunghnungtak i ni sih a,
Nang chu pathien po po chung daia chawimawiin i um a.
10Aw LALPA hmangaituhai, suol chu theida ro,
Ama chun a mi inthienghai hringna chu a vawng ṭha hlak a;
Anni chu mi rilohai kuta inthawkin a sanhim hlak.
11Mi fel ta ding chun var hi thêpêk a ni hlak,
Lungril indiktak puttu ta ding chun lâwmna thêpêk a ni bawk hlak.
12Mi felhai, LALPAA chun lâwmtakin um unla,
A hming inthieng chu inpâk ro.
Currently Selected:
INPÂKNA HLABU 97: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
