INPÂKNA HLABU 96
96
Inpâkna hla
(1 Chr 16.23-33)
1 #
1 Chr 16.23-33 Aw LALPA chawimawiin hla thar sak unla.
Leihnuoia um po pohai,
LALPA chawimawiin hla sak ro.
2LALPA chawimawia hla sakin, a hming inpâk unla,
Ni tin a sandamna thu chu inhriettir ro.
3Hnam tin lai chun a ropuizie hril unla,
Mi tinrênghai lai chun a thilmak thawhai hril ro.
4LALPA chu a ropui a, nasataka inpâk ding a ni sih a,
Pathien po po nêka ṭî ding a nih.
5Mipuihai pathienhai chu milimhai an ni sih a,
LALPA ruok chun vânhai khi a siem a nih.
6Chawimawina le ropuina a hmaah an um a,
Hrâtna le mawina chu a hmun inthiengah an um.
7Mi tina chi tinrênghai, LALPA kuomah pe unla,
LALPA kuoma chun ropuina le hrâtna pe ro.
8LALPA kuomah a hming ropuina chu pe unla,
Thil inhlân ding chawiin a biekin inhuonna sûng tuollaia chun hung ro.
9Aw, inthieng mawina#Chibai bûkna thuom inbelin
LALPA chu chibai bûk unla,
Leihnuoia um po pohai, a hmaa chun inthin ro.
10Hnam tin lai chun, “LALPA chu lalah a ṭhung a,” ti ro,
Khawvêl khawm hi ân hnîng thei nawna dingin sukdetin a um a;
Ama chun thlierbîk nei loin mi tin ro chu rêl a tih.
11Vânhai khi lâwmtakin um sienla, hnuoi khawm hi hlimtakin um raw se,
Tuisuoriet le a sûnga um po po hi inri hum hum sienla,
12Lo le a sûnga um po po hi lâwmtakin um raw se,
Chu pha chun ram hnuoia thing po po hi hlimin hla sak an tih.
13LALPA hmaa chun ama chu a hung ding a nih,
Hnuoi ro rêl dingin a hung ding a ni sih a.
Khawvêl hi feltakin ro rêlpêk a ta,
Mi tinhai chu a thutakin ro rêlpêk bawk a tih.
Currently Selected:
INPÂKNA HLABU 96: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
