INPÂKNA HLABU 95
95
Inpâkna le Pathien biekna hla
1Aw hung ta u, LALPA chawimawiin hlimtakin hla sak ei tiu;
Ei insandamna lungpui chawi- mawiin hlimtakin khêk ei tiu.
2Lâwmthu hrilin a hmaah fêng ei tiu khai;
Inpâkna hla saka ama chawimawiin hlimtakin râwl insuong ei tiu.
3LALPA chu Pathien ropuitak a ni sih a,
Pathien po po chungah Lal ropuitak a nih.
4Ama kuta chun hnuoi hmun inthûktakhai chu a um a,
Tlâng sîp insângtakhai chu ama ta a ni bawk a.
5Tuisuoriet hi a ta a nih, ama siem a ni sih a,
Khawmuol khawm hi a kutsuok a nih.
6Aw hung unla, chibai bûkin kûn ei tiu,
LALPA a mi Siemtu hmaah dingṭhaṭhuon ei tiu.
7 #
Heb 3.7-11; 4.3-11 Ama chu ei Pathien a na,
Eini hi a ran tlatna hmuna mi le, a kuta berâmhai ei ni sih a.
Vawisûn hin a râwl chu lo hre ta ve unla chu aw!
8Meribaa an thaw ang khan in lungril sukngar naw ro,
Thlalêra Massa ni ang khan;
9Chuong lai chun in thlatuhai chun an mi fieh a,
Ka thilthaw an hmu sa khawmin an mi fieh a.
10Kum sâwm li sûng zet chu, chu suonhai chunga chun ka lungninawh a,
“An lungrila ngaisuol hmang mi an na,
Ka lampuihai khawm an hriet nawh,” ka tih a.
11Chuleiin, “Ka châwlnaa chun lût naw ni hai,” tiin,
Lunginsenin ṭawng kân khâm tah a.
Currently Selected:
INPÂKNA HLABU 95: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
