INPÂKNA HLABU 94
94
Phubalâkna dinga ṭawngṭâina
1Aw LALPA, nang phuba- lâkna thu neitu Pathien,
Nang phubalâkna thuneitu Pathien, hung var suok rawh.
2Nang hnuoia rorêltu, thaw la,
Chapohai chu an suol man thung rawh.
3 #
Job 20.5 LALPA, mi rilohai chu ieng chen am,
Mi rilohai chun hnein ieng chen am an hlim ding a na?
4Anni chu an ṭawng mei mei a, iniemtakin thu an hril a,
Thil suksuoltuhai po po chu mâni an inpâk hlak.
5Aw LALPA, i mihai chu an suknâwi neng a,
I rochan chu an sukrinum hlak.
6Hmeithai le mikhuol chu an sukhlum a,
Pa neilo chu an that hlak.
7“LALPA chun hmu naw nih a,
Jakob Pathien chun ngaituo bawk naw ni,” an ti hlak a nih.
8Mi laia mi ngawnghai ngaituo ro,
Mi invêthai, iengtik am var in ti aw!
9Na inbûktu chun a hriet naw ding am a nih?
Mit siemtu chun a hmu naw ding am a nih?
10Mihriem varna inchûktirtu le
Hnam tin thununtu chun a kâwk naw ding am a nih?
11 #
1 Kor 3.20 LALPA chun mihriem ngaituohai chu,
Teplo mei mei a nih ti a hriet a.
12Mi i thunun a, i dân thua inthawka i inchûktir chu,
Aw LALPA, a hamṭha.
13Mi rilo ta dinga khur choa a um hmakhat a,
Lunginzîng nihaia châwlna i pêk theina dinga i închûktir chu.
14LALPA chun a mihai a pei thlâk âwm si nawh a,
A rochan chu mâksan bawk naw nih.
15Rorêlna chu felna tieng kîr nawk a ta,
Lungril indiktak put po po chun chu chu zui an tih.
16Tu am thil ṭha naw thawtuhai mi thawpêk dingin tho a ta?
Tu am thil suksuoltuhai mi thawpêk dingin ngîr a ta?
17LALPA chu a mi ṭhangpuitu ni naw sien la chu,
Ka hringna hi hmun reah#Thitahai khawvêlah a um vak ta ding a nih.
18“Ka ke ân tlêu ie,” ka ti khan,
Aw LALPA, i ngilneina chun a mi kei a.
19Ka lungrila ngaituo tamtak ka nei lai chun,
I thlamuonna chun ka hringna hi a sukthafân hlak.
20Rîtlona lalṭhungpha, thuruota thil suksuolna siem hlaktu chun
Inkawppuina che a nei ding am a nih?
21Mi fel hringna thaw tumin an pungkhâwm tâwl hlak a,
Thisen demkailo chu thiemnaw an inchangtir bawk hlak.
22Nisienlakhawm, LALPA chu ka kulbîng insâng a lo na,
Ka Pathien chu ka înhum- himna lungpui a lo nih.
23Ama chun anni suolna ngei chu an chungah ân tlâktir a,
Anni ṭhat nawna ngeia chun sukbohmang a ta;
LALPA ei Pathien chun sukbohmang a tih.
Currently Selected:
INPÂKNA HLABU 94: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
