INPÂKNA HLABU 87
87
Ziona chênghai hamṭhatna chu Kora naupahai Inpâkna Hla. Hla
1A lungphûm chu tlâng inthiengahai chun a um a.
2LALPA chun Zion kul kawtkhârhai chu,
Jakobhai umna po po nêkin a ngaina lem a nih.
3Aw Pathien khawpui,
I chungchâng thu ropuitakin an hril hlak a nih.
4A mi hretuhai lai an ṭhang ve ti,
Rahab le Babulon chungchâng thu hril ka tih;
Philistin le Tura hi, Ethiopia le hin, en ta u;
Hi mi hi chutaka pieng chu a nih.
5A nih, “Saw saw le, hi hi mi hi amaa pieng an na,
Achunghnungtak ngei chun ama chu sukdet a tih,” ti Zion chungchâng thu chu hril an tih.
6LALPAIN mi tin hming a ziek pha chun,
“Hi mi hi chutaka pieng chu a nih,” tiin, tiem a tih.
7Hlasaktuhaiin, lâmhai le chun,
“Ka tuihnâr po po chu nangmaah a nih a um chu,” tîng an tih.
Currently Selected:
INPÂKNA HLABU 87: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
