INPÂKNA HLABU 85
85
Pathien zângaina Israel ta dinga ngênna Hla ṭhuoitu ta dingin: Kora naupasalhai Inpâkna Hla
1LALPA i ram chunga hin i lâwm a,
Jakobrawi sala an um chu i ṭhuoi kîr nâwk a.
2I mihai rîtlona i ngaidam a,
An suolna po po chu în khum zo tah.
3I lunginsenna po po chu i lâk hmang a,
I lunginsenna nasatak chu i nghatsan tah a.
4Aw, a mi sandamtu Pathien, mîn nghatkîrtir la,
Kan chungah i lunginsenna chu sukbo rawh.
5Kan chungah i lunginsen kumkhuo ding am a nih?
I lunginsen chu suon po po chenin în langtir pei ding am a nih?
6Nangmaa chun i mihai an hlim theina dingin,
I mi sukhar nâwk naw ding am a nih?
7Aw LALPA, i zainêmna chu mîn hmutir la,
I sandamna chu mi pe bawk la,
8Pathien LALPA thu hril ding chu ngai ka ta,
A mihai le a mi inthienghai kuomah lungmuongna thu a hril ding a ni sih a;
Nisienlakhawm, anni chu invêtna tieng ngha nâwk ta naw raw hai se.
9A sandamna chu ama ṭituhai hnaia chun a um ngei ngei hlak a nih;
Ei rama hin ropuina a um theina dingin.
10Ngilneina le thutak ân tuok a,
Felna le remna an infâwp a.
11Thutak chu hnuoia inthawkin ân der suok a,
Felna chun vâna inthawkin a hung en thla tah a.
12Anih, LALPA chun thil ṭha pêng a ta,
Ei ram hin a thilkak chu pe bawk a tih.
13Felna chun hma ṭhuoi a ta,
A kehnunghai chu felna dinga lampuiah siem a tih.
Currently Selected:
INPÂKNA HLABU 85: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
