INPÂKNA HLABU 84
84
Pathien in thlâkhlana hla Hla ṭhuoitu ta dingin; Gittitha sak ding. Kora naupahai Inpâkna Hla.
1Aw sipaihai LALPA,
I umnahai chu dit a va um de!
2Ka hringna hin LALPA biekin inhuonna sûng tuollai chu a ngai êm êm a, anih, a chau pha hiel a.
Ka lungril le ka taksa hi Pathien hring kuoma chun hlimin a khêk suok a.
3Anih, chawngzawngin in a hmuh a,
Pelêuvin a ta dingin bu a hmu bawk a, a te siena dingin;
Aw sipaihai LALPA, ka Lal le ka Pathien,
Chu chu i mâichâmhai ngei chu a nih.
4I ina umhai chu an hamṭha a,
Nang chu inpâk rawp an ti che.
5Nangmaa hrâtna nei mi chu a hamṭha,
A lungrila Zion panna lamlienhai umna chu.
6Ṭapna ruom chu an hraw laiin tuihnâr umnahaiah an siem hlak a,
Anih, ruotui tla hmasa chun malsâwmnain ân khum hlak.
7Hrâtnaa inthawkin, hrât nâwk zuolnaah an fe hlak a,
Ziona Pathien hmaa chun an inlang seng hlak.
8Aw LALPA, sipaihai Pathien, ka ṭawngṭaina hi mi lo ngaipêk la,
Aw Jakob Pathien, na lo sit rawh.
9Aw Pathien, kan phaw tak, en ta,
I hrieknâl pa hmêl hi en ta.
10I biekin inhuon sûng tuol- laia ni khat um hi ni sâng khat nêkin a ṭhalem sih a;
Rîtloa puon inhaia um nêk chun,
Ei Pathien ina kawtkhâr vêng- tu ni khawm ka nuom lem a nih.
11LALPA Pathien chu nisa le phaw a ni sih a,
LALPA chun lunginsietna le ropuina pêng a ta,
Indiktaka umhai kuoma chun thil ṭha hrim hrim inro naw ni.
12Aw sipaihai LALPA,
Nangma ring mi chu a hamṭha ie.
Currently Selected:
INPÂKNA HLABU 84: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
