INPÂKNA HLABU 83
83
Israel hmêlmahai sietna dinga ṭawngṭâina Asaph Inpâkna Hla. Hla
1Aw Pathien, ṭawng loin um naw la,
Aw Pathien, to zing naw la, um ṭawk ṭawk lul naw rawh.
2Ngai ta, nangma dotuhai chu an sa mur mur a;
Nangma theidatuhai chu an lu an suksâng a,
3I mihai vervêktakin an phierrûk a,
I mi thuphmanghai chunga hin a se tiengin an inrâwn a.
4“Thaw ro, an hnam bo khawpin sukbohmang ei tiu,
Israelhai hming hrim hrim hi hriet zinga a um ta nawna dingin,” an ta,
5Inthuruolin an inrâwn a,
I chungah a se tienga thaw dingin thu an intiem tâwl a.
6Edomhai le Ismaelhai puon in dâm,
Moabhai le Hagarhai dâm,
7Gebalhai le Ammonhai le Amalekhai dâm,
Philistinhai, Tura khuoa umhai leh.
8Assuriahai khawm anni tieng an ṭhang veh a,
Lota thlahai chu an ṭhang- pui a,
9Annirawi chu Midianhai chunga i thaw ang dâm,
Kison vadunga Sisera chunga i thaw ang dâm,
Jabin chunga i thaw ang khan thaw ve rawh.
10Chuong mihai chu Endor khuoah an bohmang a,
Hnuoi dingin êkdûr ang el an lo ni ta kha.
11An mi lienhai chu Oreb le Zeeb i thaw ang khan thaw la,
Anih, an lalhai po po chu Zeba le Zalmunna ang khan tukdei rawh.
12Chuong mihai chun, “Pathien umnahai chu, Hluopêk ei tiu,” an ti kha.
13Aw ka Pathien, anni chu pilvut khu chum chum ang hin the dar la,
Businâwi thli imût lêng ur ur ang el hin.
14Ram kângtu mei ang le,
Tlâng kângtu meichawk ang elin;
15Anni chu i thlipuiin hnawt la,
I thli natak chun sukṭi rawh.
16Aw LALPA, i hming an zawng theina dingin,
An hmêl chu inzaknain suksip rawh.
17Kumkhuoin, muolpho le lunginzîngtakin um hai sienla,
Anih, sukzaka umin bohmang raw se.
18Nangma chau hi JEHOVAH hming put,
Hnuoi chung po poa Achung- hnungtak i nih ti an hriet theina dingin.
Currently Selected:
INPÂKNA HLABU 83: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
