INPÂKNA HLABU 79
79
Jerusalem siet sûnna Asaph Inpâkna Hla
1Aw Pathien, hnam tin i rochana hin an lût a,
2I siehlawhai ruok chu chunga vatêhai buah an pêk a,
I mi inthienghai sa chu ram sahai kuomah an pêk a.
3An thisen chu Jerusalem vêla hin tui angin an bunthlâk a,
Anni phûmtu ding hlak tukhawm an um si nawh,
4Kan vêla mihai hrilsietin kan lo um a,
Kan dep vêla mihai hmusit le nuisanin kan lo um a,
5Aw LALPA, ieng chen am i lunginsen kumkhuo ding a na?
I thîkna chu mei angin a chawk ding am a nih?
6Nangma hre naw hnam tin chunga hin i lunginsenna chu bunthla la,
I hming lam naw ramhai#“Mihai”, amanih “Mipuihai” chunga khawm chun.
7Jakobhai chu an fâk zo a,
An umna chu an suk ram ta sih a.
8Kan thlatuhai rîtlona kha keini kuoma hin chu hre zing ta naw la,
I lainatnahai chun mi hung tuok vak sienla;
Nasataka sukhnuoiin kan um ta sih a.
9Aw Pathien a mi sandamtu, i hming ropuina dingin mi ṭhangpui la,
I hming leiin mi sanhim la, kan suolhai hi hung sâwp fai rawh.
10Hnam tinin, “Khâwlai am an Pathien kha teh?” an ti el dîm a nih?
I siehlawhai thisen suok phubalâkna chu,
Kan mithmuah hnam tin lai hin hriet ni raw se.
11Mi intâng inrûm ri chu i hmaah tlung sienla,
I thilthawtheina nasatzie ang peiin thi dinga ruothai chu humhim rawh.
12Aw LALPA, nangma an hrilsietna che kha,
Kan vêla mihai kuomah an ângsûngah a lêt sariin thung nâwk rawh;
13Chuongchun, keini i mihai, i ran tlatna hmuna berâmhai hin,
Kumkhawtluongin lâwmthu hril kan ti cheh a,
Suon po po chenin nangma inpâkna chu inhriettir pei kan tih.
Currently Selected:
INPÂKNA HLABU 79: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
