INPÂKNA HLABU 77
77
Pathien thilthaw ropuihai hrietsuok nâwkna leia thlamuongna Hla ṭhuoitu ta dingin: Jeduthun dânin. Asaph Inpâkna Hla.
1Ka râwlin Pathien chu ko ka ta,
Ka râwlin Pathien ngei chu ko ka ta, ama chun keia tieng na lo sit a tih.
2Ka lunginzing ni chun LALPA ka zawng a;
Ka kut hi zâna khawm la thla loin ka phar zing a,
Ka hringna hin thlamuon a nuom nawh.
3Pathien ka hriet zing a, ka buoi hlak;
Ka ngaituoh a, ka thlarau hi a châu hlak.
4Ka mithai hi i chel meng zing hlak a,
Ṭawng theilo khawp rauvin ka lunginzing hlak.
5Tienlai nihai ka ngaituoh a,
Tienlai kumhai chu.
6Zâna ka hla sak chu ka hriet thar nâwk a,
Ka lungrilah kân ngaituo hlak;
Ka thlarau khawmin ṭhahnem- ngaitakin a zawng a.
7LALPA chun kumkhuoin a thlauthlâk ding am a ni aw?
Iengtika khawm a lâwm naw ding am a ni aw?
8A ngilneina chu a bo sawng kumkhuo ding am a ni aw?
A thutiem chu suon po po chenin a bo ding am a ni aw?
9 #
Is 49.15 Pathien chun lunginsiet a theinghil am a ni aw?
Lungsenin a lainatnahai chu a khâr ta am a ni aw?
10Chun, “Chu chu ka hrât nawna lei a nih;
Nisienlakhawm, Achunghnung- tak kut changtieng kumhai kha hre zing ka tih.
11 #
2 Chr 32.22,23 LALPA thilthaw thuhai kha hril ka ta,
Tienlaia i thilmak thawhai kha hre zing ka tih.
12I sinthaw po po kha ngaituo bawk ka ta,
I thilthawhai khawm kha sût ka tih,” ka tih a.
13 #
Ex 15.11 Aw Pathien, i lampui chu hmun inthiengah a um a,
Pathien ang hi pathien ropui tu am an um a?
14Nang chu thilmak thaw hlaktu Pathien chu i na,
Mi tin laiahai chun i hrâtzie în hriettir hlak.
15I bânin i mihai i sansuok a,
Jakob le Josef nauhai chu.
16Aw Pathien, tuihai chun an hmu cheh a,
Tuihai chun an hmu cheh a, an ṭih a,
Tui inthûktakhai chu an inthin bawk a.
17Sûmhai khin tui an bun- thlâk a,
Vânhai khin râwl an insuo a,
I thalhai khawm ân lep zak zak a,
18 #
2 Sam 22.8 I vâninrûm ri chu thlivirah a um a,
Kâwlinlephai chun khawvêl hi a el zawt zawt a;
Hnuoi hi inthinin ân hnîng dur dur a.
19 #
Hab 3.15 I lampui chu tuisuorietah a um a,
I lampuihai chu tui lientakah a um a;
I kehnunghai khawm hriet a ni nawh.
20 #
Ex 13.21; Is 63.11,12 Mosie le Aron kutin,
I mihai chu berâm ruol angin i ṭhuoi hlak.
Currently Selected:
INPÂKNA HLABU 77: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
