INPÂKNA HLABU 76
76
Hnêna le rorêlna Pathien chu Hla ṭhuoitu ta dingin ṭingṭang chi tum tuma sak mi. Asaph Inpâkna Hla. Hla.
1 #
Sm 48.8 Judahai lai chun Pathien chu hrietin a um a,
Israelhai lai chun a hming a ropui a nih.
2Salema chun a bâwktê chu a um a,
Chun, ama umna chu Zionah a um a,
3Chutaka chun thalngul thalhai chu a suksiet a,
Phaw dâm, kâwlhnâm dâm, indona dâm leh.
4Nang chu ropuitak le ṭhatak i na, sase tlânga inthawk chun #Râllâk sum siekhâwmnaa inthawk chun.
5 #
Is 46.12; Sm 13.3; Jer 51.39 Pasalṭhahai chu rawkin an um a,
An in chu an in sawng tah a;
Mi hrât khawm tukhawmin an kut an inlet thei ta nawh.
6Aw Jakob Pathien, i kâwkna leiin,
Tawlailîr le sakawr khawm ininnghiltir dêrin an um ve veh a;
7 #
Nah 1.6 Nang, nangma ngei chu ṭi ding i nih,
I lunginsen taphawt chun tu am i mithmuah ngîr thei an ta?
8I rorêl thu chu vâna inthawkin în hriettir a,
Hnuoi hin a ṭih a, a to tah a.
9Hnuoia mi thuhnuoirawlhai po po sandam dinga,
Pathien chu rorêl dinga a tho lai khan.
10Matheiloin mihriem lunginsenna hin la hung inpâk ngei a ti che,
Lunginsenna mahla chun inkhit i tih.
11 #
2 Chr 32.22,23 Thu tiem unla, LALPA in Pathien kuoma chun hlen ro,
A vêla mi po po chun ṭidingpa chu lâwmmanhai hung chawipêk raw hai se.
12Ama chun rorêltuhai huoina chu sât bawng a ta,
Ama chu hnuoia lalhai ta ding chun ṭi a um a nih.
Currently Selected:
INPÂKNA HLABU 76: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
