INPÂKNA HLABU 75
75
Pathienin mi rilohai a suktlâwm a, mi felhai a chawisâng Hla ṭhuoitu ta dingin: Al-tashhetha sak ding. Asaph Inpâkna Hla. Hla.
1Aw Pathien, lâwmthu kan hril che,
Lâwmthu kan hril che, i hming a hnai sih a;
Mihaiin i thilmakthaw thuhai chu an hril hlak.
2Hun ruot chu ka hmu pha chun,
Indiktakin ro rêl ka tih.
3Hnuoi le a chunga um po pohai chu an intuihmang zo tah:
Keiin a banhai chu ka phun a nih.
4Mi uonghai kuoma chun,
“Iengleangin um naw ro,” ka tih a,
Mi rilohai kuomah, “In ki suk- sâng naw ro,” ka ti bawk a.
5In ki chu chungtieng suksâng naw unla,
Rîng tlûn pumin ṭawng naw ro.
6Suksângna chu saktienga inthawk a ni nawh, thlangtienga inthawk a ni bawk nawh.
Simtienga inthawk hlak a ni bawk nawh.
7Pathien chu rorêltu a ni lem:
Ama chun pakhat a suktlâwm a, pakhat a suksâng hlak.
8LALPA kuta chun no a um sih a, a uoin chu a phul a,
Thil dang le chawkpawlin a sip a, chutaka inthawk chu a bunsuok a.
Matheiloin a nenghai chen chun hnuoia mi rilohai chun dâwn fai rêt an tih.
9Nisienlakhawm, kei chun chu kumkhuoin inhriettir ka ta,
Jakob Pathien chu inpâkin hla sak ka tih.
10Mi rilohai ki po po khawm chu tanpêk ka ta,
Mi felhai ki ruok chu suksângin um a tih.
Currently Selected:
INPÂKNA HLABU 75: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
