INPÂKNA HLABU 70
70
Sansuokna dinga ṭawngṭâina
(Sm 40.13-17)
Hla ṭhuoitu ta dingin: David Inpâkna Hla; inhrietsuoktir nâwkna dingin.
1 #
Sm 40.13-17 Aw Pathien, kei mi sanhim dingin inhmaw la,
Aw LALPA, mi ṭhangpui dingin inhmaw rawh.
2Ka hringna sukbo tuma zawngtuhai chu,
Muolphotak le inzaktakin um sienla,
Ka sietna chunga lâwmhai chu:
Intlânsiettira sukzakin um raw se.
3“Chei! Chei!” tituhai chu,
An muolpho leiin intlânsiettirin um raw hai se.
4A zawngtu che po pohai chu nangmaa chun hlimtak le lâwmtakin um sienla,
I sandamna ngainatuhai chun,
“Pathien chu chawimawiin um raw se,” ti rawp raw hai se.
5Nisienlakhawm, kei chu pasie le rimsitak ka na,
Aw Pathien, ka kuomah hung vak rawh:
Nang chu a mi ṭhangpuitu le a mi sandamtu i na,
Aw LALPA, sawt riel lul naw raw khai.
Currently Selected:
INPÂKNA HLABU 70: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
