INPÂKNA HLABU 69
69
Beidawng khêk râwl Hla ṭhuoitu ta dingin: Sosanima sak ding. David Inpâkna Hla.
1 #
Jon 2.5 Aw Pathien, mi sandam rawh,
Tuihai chu ka rînga chen hin a lût ta sih a.
2Chirhak inthûktak, sirsan hrim hrim um nawnaah ka tlum duok duok hi,
Tui inthûktak, tui lien a mi chîm tlumnaahai, ka lo lût ta hi.
3Ka khêkna leiin ka chau a, ka dang a ṭâwl zo tah a:
Ka Pathien ka nghâknaa hin ka mit ân vai zo tah a.
4 #
Sm 35.19; Jn 15.25 A san boa a mi theidatuhai chu ka samzai nêkin an tam lem a,
Indiknawtaka mi doa, mi sukbohmang tumtuhai chu mi hrâttak an nih,
Kân rûk dêr naw khawm an min rultir a.
5Aw Pathien, nang chun kân vêtzie hi i hriet a,
Ka thiemnawnahai khawm hi i kuoma chun thup a ni nawh.
6Aw LALPA, sipaihai Pathien, nangma nghâktuhai chu keia leiin muolpho naw hai sienla,
Aw Israelhai Pathien, nangma zawngtuhai che chu keima leiin sukzakin um naw raw hai se.
7Nangma leia hrilsiet ka tuor leiin.
Inzaknain ka hmai ân khum zo tah.
8Ka unauhai laia chun mikhuol ka hung ni tah a,
Ka nu nauhai kuoma chun hriet ngailo mi ka lo ni tah a.
9 #
Jn 2.17; Rom 15.3 I ina ka ṭhahnemngainain a mi fâk zo a,
Nangma hrilsetuhai hrilsietnahai chu ka chungah a tla zo tah.
10Ka ṭap a, bu nghei puma ka hringna ka thunun leh,
Chu chu an mi hrilsietna a hung ni pei a.
11 #
Jer 24.9
Ka silfêna saiip ka hmang leh,
An ta dingin a se tienga hrilkhina ka hung ni pei a.
12 #
Job 30.9 Kul kawtkhâra ṭhunghai chun ka chungchâng thu an hril a,
Zu inrui hmanghai hla ka ni hi.
13 #
Is 49.8 Nisienlakhawm, aw LALPA, kei chun chu hun lâwmumah, i kuomah a nih ka ṭawngṭâi chu;
Aw Pathien, i ngilneina nasatak leiin,
I sandamna thutak chun mi hung dawn rawh.
14Chirhaka inthawk hin mi sanhim la, mîn tlumtir lul naw rawh.
A mi theidatuhaia inthawk le, tui inthûktaka inthawk hi sanhimin mîn umtir rawh.
15 #
Nam 16.33 Tui lienin mi chîm tlum naw sienla,
Tui inthûktak hin mi lem bawk naw raw se;
Khursûng khawmin a bau mîn chîpnel naw raw se.
16Aw LALPA, mi hung dawn la, i ngilneina chu a ṭha si a,
I lainatna nasat ang peiin keia tieng hi hung ngha la.
17 #
Sm 27.9
I siehlaw kuoma hin i hmai khawm thup naw la,
Ka lunginzîng sih a, mi hung dawn vak rawh.
18Ka hringna hi hung hnaiin intlan la,
A mi dotuhai lei hin nangin mi sanhim rawh.
19 #
Sm 22.6,7; Is 53.3 Nangin mi mi hrilsietna dâm, ka muolphona dâm, kân zakna dâm, hi i hriet a.
A mi dotuhai chu i hmaah an um vawng a nih.
20 #
Is 63.5; Job 16.2 Mi mi hrilsietna hin lungriem- in a mi thlâk a, nasatakin ka lungngai bawk a,
Chuongchun, a mi lunginsiettu ding ka zawng a; nisienlakhawm, tukhawm an um si nawh;
A mi thlamuontu dinghai ka zawng a; nisienlakhawm, tukhawm ka hmu si nawh.
21Ka bu dingin thil kha an mi pêk nâwk nghâl a,
Ka dang a châr hlakin uoin thûr dâwn dingin an mi pêk a,
22 #
Rom 11.9-10 An hmaa an dawkân chu châng lo ni sienla,
Lungmuongtaka an um laiin bil lo ni raw se.
23An mithai chu an hmu theinawna dingin sukthimin hung um sienla,
An kâwnghai chu sukthin rawp rawh.
24I lungninawna nasatak chu an chungah bunthla la,
I lunginsen ṭiumna chun anni chu man raw se.
25An umna chu hung ṭâwp sienla,
An puon inahai chun tukhawm um naw raw se.
26I ivuok chu an suknawmnah a,
I înhliemhai lungngaizie chu an hril si hlak a.
27An rîtlona chu rîtlonain belsa la,
Anni chu i felnaa chun lût naw raw se.
28 #
Tp 3.5; 13.8; 17.8; 20.12; 15.8 Anni chu hringna bua inthawk chun thaihmangin um hai sienla,
Mi felhai laia chun ziek ni ve naw raw hai se.
29Nisienlakhawm, kei chu rimsitak le lungngaitak ka na,
Aw Pathien, i sandamna chun hmun insângah mi sie raw se.
30Pathien hming chu hlain inpâk ka ta,
Lâwmthu hrilin ama chu chawimawi ka tih.
31Chuong ang chun, bâwngchal amanih, ki le tin nei bâwngchal nêk chun,
LALPA suklâwm lem a tih.
32Mi rimsihai chun chu chu an hmuh a, an lâwm a,
Nangni Pathien zawngtuhai, in lungril chu hringin um raw se.
33LALPAIN pasiehai chu a bengkhawn a,
A mi intânghai chu a hmusit si nawh a.
34Hnuoi le vân chun ama chu inpâk raw se;
Tuisuoriet le an sûnga thil châng thei taphawthai leh.
35Pathienin Zion chu sansuokin,
Juda khuohai chu a siem ding a ni sih a,
Chuongchun, chutaka chun um an ta, nei nghâl an tih.
36A siehlawhai thlahai khawm chun hluosâwng an ta,
A hming ngainatuhai chu a sûngah um an tih.
Currently Selected:
INPÂKNA HLABU 69: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
