INPÂKNA HLABU 65
65
Hnuoi chunga Pathien hausakna leia inpâkna Hla ṭhuoitu ta dingin: Inpâkna Hla. David Hla.
1Aw Pathien, Ziona chun inpâknain a nghâk zing che,
Thutiem chu i kuoma chun hlen nîng a tih.
2Aw ṭawngṭâina ngaitu,
I kuomah tisa po po chu hung an tih.
3Rîtlonahai chun a mi hne hlak deha chu,
Kan bawsietnahai po chu nangin sâwpfai i tih.
4Mi, i biekin inhuonna sûng tuollaia um thei dinga,
I thlanga, i kuom tieng i înpantir chu a hamṭha:
I in ṭhatna chun tlai kan ta,
I biekin hmun inthieng ṭhatna chun.
5Aw a mi sandamtu Pathien,
Thil râpthlâktakhaiin keini mi hung dawn i tih,
Nang kâwlkawdawnga mi po po le,
Tuisuoriet chung hlataka umhai iring chu i nih.
6Thilthawtheinaa tâia inkhita,
Mâni hrâtnaa tlânghai sukhnîng hlaktu chu i nih;
7Tuisuoriet inri hum hum, a fâwn inri hum humhai le,
Mi tin sa mur mur sukre hlaktu chu i nih.
8Kâwlkawdawnga umhai khawm chun i inhriettirna chu an ṭi hlak a,
Zîngtieng le zântieng suoknahai chu hlimin în khêktir hlak a;
9Hnuoi hi i kan a, tuiin i châwm a,
Nasatakin i sukṭha hlak: Pathien vadung chu tuiin a sip a,
Hnuoi hi chuong anga i buotsai hnung chun an ta dingin bu i siempêk hlak.
10A changkuonghai chu tui tamtakin i châwm a,
A changkuong tlânghai chu i sukdên a,
Ruotuiin i suknêm a,
A thil mâwnghai chu mal i sâwm hlak.
11Kum chu i ṭhatna în khum- tir a,
I lampuihai chu thil ṭhain a far hlak.
12Thlalêra ran tlatna hmunahai chun a far a,
Tlânghai khawm chu hlimnaa khuop vêlin an um a.
13 #
Is 55.12 Ran tlatna hmunhai chu ran ruolin a dâpin a dâp a,
Ruomhai khawm chu buin ân zâwl hmur a;
Hlimin an khêk a, hla an sak bawk a.
Currently Selected:
INPÂKNA HLABU 65: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
