INPÂKNA HLABU 66
66
Pathien thilthaw ropuihai leia inpâkna Hla ṭhuoitu ta dingin: Hla, Inpâkna Hla
1Leihnuoi po pohai, Pathien chawimawiin hlimtakin khêk unla,
2A hming ropuizie chu hlain sak suok ro:
Ama inpâkna chu sukropui ro.
3Pathien kuomah, “I thilthawhai chu a va ropui de!
I thilthawtheina nasatzie leiin nangma dotuhai chu i kuomah intuklût an tih.
4Leihnuoi po pohai hin chibai bûk an ti che a,
Nangma inpâkin hla sak an ta,
I hming inpâkin hla sak an tih,” ti ro.
5Hung ta u, Pathien thilthawhai hi en ta u,
Mihriem nauhai chunga a thilthawa hin ṭi a um a nih.
6 #
Ex 14.21 Ama chun tuisuoriet kha hnuoi ṭâwlah ân changtir a,
Vadungpui kha kein an fe kâi a#Ei thlatuhai khan kein an fêkai a;
Chutaka chun amaah ei hlim a.
7A thilthawtheina chun kumkhuoin ro a rêl a,
A mitin hnam tin a en hlak:
Hel hmanghai chu anni le anni inchawimawi naw raw hai se.
8Aw mi tinhai, ei Pathien chu inpâk unla,
Ama inpâkna ri chu inhriettir ro:
9Ama chun ei hringna hi a sukhring zing a,
Ei kehai hi suktâwl a phal nawh.
10Aw Pathien, nangin i mi fieh a,
Tangkaruo fieha a um angin, keini i mi fieh a.
11Nangin lênah i mi ṭhuoi lût a,
Kan kâwnga hin phur riktak chu în nghat a.
12Mihai tawlailîr chunga chuongin, kan lu chungah în fetir a,
Mei le tui kan fe thleng a,
Nisienlakhawm, hmun chênghnâwngtaka lût dingin i mi ṭhuoi suok a;
13Pumrawhmanga thil inhlânhai leh i inah lût ka ta,
Ka thutiemhai chu i kuomah hlen ka tih.
14Ka hmûrin a hril a,
Lunginzînga ka um laia ka bauin a hrilhai chu.
15Sa thâutak pumrawhmanga thil inhlânhai i kuomah inhlân ka ta,
Berâmchalhai raw rim inhnik leh;
Bâwngchalhai, kêlhai leh inhlân ka tih.
16 #
Sm 17.3; Is 48.10; Zek 13.9; 1 Pet 1.7 Hung ta u, Pathien ṭituhai po po, ngai ta u,
Chuongchun, ka hringna dinga a thilthaw chu inhriettir ka ti cheu.
17Ama chu ka bauin ka ko a,
Ka leia chawimawiin a um a.
18Ka lungrila suolna ka ngaisak chun,
LALPA chun mi ngaisak naw nih.
19Nisienlakhawm, Pathien chun a mi lo ngai a,
Ka ṭawngṭâina ri chu a lo bengkhawn a nih.
20Pathien, ka ṭawngṭâina inhlawsamtir loa, ka kuoma a ngilneina ma ngailotu chu,
Inpâkin um raw se.
Currently Selected:
INPÂKNA HLABU 66: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
