INPÂKNA HLABU 60
60
Hmêlma hmaa ṭhangpui ṭawngṭâina
(Sm 108.6-13)
Hla ṭhuoitu ta dingin, Susan-eduth-a sak ding: David Miktam. Inchûktir dingin ama chun Aram-naharaimhai leh Aram-zobahai leh an inthawh a. Chun, Joab a kir a, Edomhai sîng khat le sâng hni Chi ruomah a that laia mi.
1Aw Pathien, nangin i mi thlauthlâk a, i mi suksiet a,
I lo lunginsen tah am; aw, mi tungding nâwk rawh.#“I lo lunginsen tah a,” hi “Hnungtieng i min nghat tah a,” ti thei khawm a nih.
2Hi ram hi i sukthin a, i sukkak tah a,
A kakhai chu siemṭha nâwk la, ân hnîng ân hnîng sih a.
3I mihai hi thil inkhawtakhai în tuoktir a,
Pêmna uoin chu i mîn dâwn tir tah a.
4Nangma ṭituhai che kuoma chun puonzâr i pêk tah a,
Thutak leia zar a ni theina dingin.
5 #
Sm 108.6-13 I dittakhai hi sanhima an um theina dingin,
I kut changtiengin sandam la, mi hung dawn rawh.
6 #
Sm 89.35; Jos 1.6; 13.27; Gen 12.6 Pathienin ân thiengnaa#OR A hmun inthienga chun chun hieng ang hin a hril a,
“Hlimtakin Sekem chu khawi dar ka ta,
Sukkoth ruom chu sem dar bawk ka tih.
7Gilead chu ka ta a na, Manasse khawm ka ta a nih;
Ephraim khawm chu ka lu humhimna a na,
Juda chu ka lalhmawl a nih.
8Moab chu kân sâwpna bêl a na;
Edoma chun ka kekawk pei ka tih;
Philistia khawm chu hnein khêk khum ka tih,” tiin.#Philistin chun hnea mi khêkkhum ân ring a ni maw?
9Khawpui dettaka chun tuin am mi ṭhuoi lût a ta?
Edom rama chun tuin am mi ṭhuoi a ta?
10Aw Pathien, nangma ngeiin i mi thlauthlâk a ni naw am a nih?
Aw Pathien, kan sipaihai kuoma hlak i suok ve ta si nawh a.
11A mi dotuhai thaw dingin mi ṭhangpui la;
Mihriem ṭhangpuina chu teplo mei mei a ni sih a.
12Pathien zârah huoitakin thawng ei ta,
Ama chu a mi dotuhai sirdetu ding a ni sih a.
Currently Selected:
INPÂKNA HLABU 60: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
