INPÂKNA HLABU 59
59
Hmêlmaa inthawka sansuokna dinga ṭawngṭâina Hla ṭhuoitu ta dingin: Altashhetha sak ding. David inpâkna hla: Miktam. Saulan mi a tir a. Ama that dinga an inchân laia mi.
1Aw Pathien, a mi dotuhaia inthawk hin mi sanhim la,
A mi thawtuhaia inthawk hin hmun insângah mi dâwmkai rawh.
2Thil suksuoltuhai laia inthawkin mi sanhim la,
Thisen insuo hmanghaia inthawkin mi sandam rawh.
3 #
Sm 56.6 Aw LALPA, ka bawsietna lei ni loin, ka suol lei khawm ni bawk loin,
Ngai ta, ka hringna hi an inchân zing sih a,
Mi hrâthai chu a mi thaw dingin an pungkhâwm a nih.
4Ka suol naw sa khawmin an tlân a, an inbuotsai a,
Mi ṭhangpui dingin insukhar la, en rawh.
5Aw LALPA, sipaihairawi Pathien,
Israelhai Pathien,
Nangma ngei chu hnam tinrêng sir dingin tho la,
Mi vervêk suoltakhai chu lunginsiet hrim hrim naw.
6Zântieng an hung nawk a, ui angin an khêk veng vung a,
Khawpui chu an hêl an hêl a.
7 #
Sm 57.4 Ngai ta, an bauah an inir suok a,
An hmûra chun kâwlhnâmhai a um a:
“Tu am hrie an um a?” an ti el a nih.
8 #
Tv 1.26 Nisienlakhawm, aw LALPA, nangin anni chu nuisan lem i ta;
Hnam tinrêng chu nuiêu i tih.
9Aw ka hrâtna, nghâk zing ka ti che.
Pathien chu ka kulbîng insâng a ni sih a.
10Ka chunga ngilnei Pathien chun mi tuok a ta,
Pathienin ka hmêlmahai chunga ka duthusâm chu mîn hmutir a tih.
11Anni chu that naw la, chuong naw chun, ka mihaiin theinghil rawi an tih;
Aw LALPA, kan phaw tak,
I thilthawtheinain sukdar la, suktlâwm rawh.
12 #
Tv 12.13 An baua suolna lei le, an hmûra thu suok leiin,
An chapona ngeia chun âwk raw se:
An thu hril hlak, ṭawngseinphurna le khêlthu lei khawmin.
13Annirawi chu lunginsenin sukbohmang la, an um ta nawna dingin sukbohmang rawh,
Pathienin Jakobrawi chungah ro a rêl ti hre tâwl raw hai seh,
Leihnuoi tâwp chenin.
14Chun, zântieng hung nâwk hai sienla, ui angin khêk veng vung hai sien,
Khawpui chu hêl hêl raw hai seh.
15Anni chu fâkding zawngin invâk an ta,
An khawp naw chun zânkhawvârin um an tih.
16Nisienlakhawm, kei chun i hrâtna thu hi hlain sak ka ta,
Anih, zîngkâr chun i ngilneina thu hi hlimtakin hlain sak ka tih:
Nang chu ka kulbîng insâng,
Ka lunginzîng nia kân humhimna i ni si hlak a.
17Aw ka hrâtna, nangma inpâkna hla sak ka tih.
Pathien chu ka kulbîng insâng, ka chunga ngilnei Pathien chu a ni sih a.
Currently Selected:
INPÂKNA HLABU 59: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
