INPÂKNA HLABU 6
6
Lunginzîng chânga zângaina hmuna dinga Ṭawngṭâina Hla ṭhuoitu ta ding: ṭingṭang chi hran hrana Seminith le sak mi, David Inpâkna Hla.
1Aw LALPA, lunginsenin mi kâwk naw la,
Lunginsenin mi thunun bawk naw rawh.
2Aw LALPA, mi lunginsiet la, ka chau zo ta sih a;
Aw LALPA, mi sukdam rawh, ka ruhai hi a na zo vawng ta sih a.
3Ka hringna khawm a lungin- zîng bêk bêk bawk a nih:
Aw LALPA, nangin iengchen am i mi thlathlam ding a na?
4Aw LALPA hung kîr nâwk la, ka hringna sanhim la,
I ngilneina leiin mi sandam la.
5Thi hnung chun nangma hriet zingna a um si nawh a,
Seola chun tuin am lâwmthu hril a ti che leh?
6Kân rûmnain ka châu tah,
Zân tin ka zâlna chu tuiah ka suklâng a;
Ka khum chu ka mitthliin ka sukhu hlak.
7Ka mit hi lungngaina leiin a hung se deu deu a,
A mi dotuhai leiin a hung tar deu deu tah.
8 #
Mt 7.23; Lk 13.27 Nangni thil suol thawtuhai po po, mi mâksan vawng ro.
LALPA chun ka ṭap ri chu a hriet ta sih a.
9LALPA chun ka hnina chu a hriet ta sih a,
LALPA chun ka ṭawngṭâina chu pawm a tih.
10A mi dotuhai po po chu muolphoin lunginzîng bêk bêk an ta,
Kîr nâwk an ta, kâr lovin la muolpho thut an tih.
Currently Selected:
INPÂKNA HLABU 6: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
