INPÂKNA HLABU 7
7
Rorêlna indik dinga ṭawngṭâina David Siggaion Hla, Benjamin mi Kusa thuhril chungchâng thuha ama bawkin LALPA chawimawia a sak chu.
1Aw LALPA ka Pathien, nangmaa chun ka ringna kân nghat a,
A mi hnawttuhai po poa inthawk hin mi sandamin, mi humhim rawh.
2Chuong naw chun, sanhimtu um loin, sakeibaknei angin,
Ka hringna hi keinawiin, sawisa rawi an tih.
3Aw LALPA ka Pathien, hi hi thaw ka lo nih a,
Ka kutah suolna um a lo nih a,
4Kei le inremtaka um chu suola thung ka lo ni chun,
(Anih, san nei loa a mi dotuhai hi ka sanhim a ni lem a nih)
5Hmêlma chun ka hringna chu hnawtin, hnawt phâk el raw se;
Anih, ka hringna hi hnuoia chun chîlthluin,
Ka ropuina hi pilvut lai sie el raw se.
6Aw LALPA, lunginsenin tho la,
A mi dotuhai lunginsenna doin inthawk la,
Ka ta dingin insukhar la, rorêl- na ding thu i pêk ta sih a.
7Chuongchun, mi tin inkhâwm- hai chun inhuol vêl hai sienla che.
Chun, nang chu an chungah chungtieng chun kîr nâwk rawh.
8LALPA chun mi tin chungah ro a rêl hlak;
Aw LALPA, keimaa felna le, ka lungrila ṭhatna um ang peiin ro mi rêlpêk la;
9 #
Tp 2.23 Aw mi rilohai rîtlona chu hung tâwp ta sienla, mi felhai ruok chu sukdet rawh.
Pathien feltak chun lungrilhai le lungvarhai chu a fie hlak sih a.
10Ka phaw chu Pathien kuomah a um a;
Ama chu lungril indiktak put sandamtu a nih.
11Pathien chu rorêltu feltak a na,
Anih, ni tina mi suolhai chunga lungninawna nei hlak Pathien a nih.
12Mi chu a nghakîr naw chun ama chun a kâwlhnâm tâtngei a ta,
A thalngul chu a kuoi a, a siemrêl tah a.
13Thina hriemhreihai chu ama thatna dingin a siem diem ta bawk a;
A thalhai chu chawk theiin a siem a.
14En ta, suolna hasein a um a,
Anih, thil suksuolna a vawn a, khêlthu a nei tah a.
15Khur a siem a, inthûktakin a cho a,
Ama hum siema chun a tla tah a.
16A thil suksuolna chu ama lu chung ngeia chun hung kîr nâwk a ta,
Nunsetaka a thilthaw chu ama lusîpa ngei hung tlâng a tih.
17LALPA chu a felna lei hin a kuomah lâwmthu hril ka ta,
LALPA Achunghnungtak hming inpâkin sak bawk ka tih.
Currently Selected:
INPÂKNA HLABU 7: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
