INPÂKNA HLABU 5
5
Vênghimna dinga ṭawngṭâina Hla ṭhuoitu ta ding: Nehiloth le sak mi, David Inpâkna Hla.
1Aw LALPA, ka thua hin na lo sit la,
Ka ngaituona hi lo ngaituo ta:
2Ka Lal le ka Pathien, ka khêkri hi lo ngai la,
I kuoma ṭawngṭâi ka ni sih a.
3Aw LALPA, zîngkâr chun ka râwl hi lo hre hlak i ta,
Zîngkâr chun ka ṭawngṭâina chu i hmaa chun rêl fel diem ka ta, lo ngaiven hlak ka tih.
4Rîtlonaa lâwm hlak Pathien i ni si nawh a.
Mi suol chu i kuom tlung naw ni hai.
5Mi uonghai chu i mithmuah ngîr thei naw ni hai a,
Thil suol thawtuhai po po chu i theida hlak.
6Khêl hril hmanghai chu sukbohmang i ta,
LALPAIN thisen insuo hmang le hlêm hmang mi chu a tirdak rieu hlak.
7Nisienlakhawm, kei chu, i ngilneina nasatak lei chun i inah hung lût ka ta,
Ṭi pum chein i biekin inthieng tieng nghain chibai bûk hlak ka ti che.
8Aw LALPA, ka hmêlmahai leiin, i felnain mi ṭhuoi la,
I lampui chu ka hmaa hin suktluong rawh.
9 #
Rom 3.13 An baua chun ringumna hrim hrim a um nawh a;
An sûngril chu rîtlona ruok el a nih:
An hnuk chu thlân inhawng a na;
An leiin an inpâk tehlêm hlak.
10Aw Pathien, annirawi hi thiemnaw inchangtir la.
Anni remruotnahai ngei chu tlûk phâna dingin hmang raw hai se;
An bawsietna tamtakhai lei hin nam suok la.
I chungah an hel sih a.
11Nangmaa ringna innghattuhai po po chu nangmaa chun lâwm hai sienla,
I humhim leiin kumkhuoin lâwmin khêk tâwl raw hai se:
I hming ngainatuhai khawm chu nangmaa chun lâwmtakin um raw hai se.
12Mi fel chu mal i sâwm ding a ni sih a,
Aw LALPA, ama chu phâw angin ditsaknain în huol vêl ding a nih.
Currently Selected:
INPÂKNA HLABU 5: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
