INPÂKNA HLABU 58
58
Mi rilo hremna dinga ṭawngṭâina Hla ṭhuoitu ta dingin: Altashhetha sak ding. David Inpâkna Hla.
1Aw rorêltuhai, felna thu maw in hril tak tak?
Aw mihriem nauhai, indiktakin maw ro in rêl?
2Anih, in lungrila chun thil suoltak in thaw hlak a;
Hnuoia in kuta thil nunsetaka thaw chu in bûk hlak a.
3 #
Is 48.8 Mi rilohai chu an nu phîng sûnga inthawk hrimin Pathiena inthawka ṭhein an um a;
An pieng phingleh khêlthu hrilin an invâk hmang hlak.
4 #
Ttu 10.11 An tûr chu rûl tûr ang a na,
Rulrîel nasêt, a na hip hlak ang chu an nih.
5Chu chun rûl dawiinvêt theihai râwl chu a ngai nawh a;
Ieng anga thiem khawmin dawi hai sien khawm.
6 #
Job 4.10; 3.16 Aw Pathien, an baua chun an hahai chu suktlam la,
Aw LALPA, sakeibaknei vânglaihai ha lientak takhai chu khel dawk la,
7Anni chu tui hrâttaka luong angin intui hmang hai sienla,
A thalhai a tinin#Hnein or Hremin, sât fik angin um pei raw hai se.#Rsv. Hlobet anga sirdea ṭâwlin um raw hai se. NIV. An thalhai an tinin, an thalhai chu mâwl pei raw hai se
8Kawngkawrawi, intui a, bo el hlak ang hi ni sienla:
A hun nawha nuhmei nau nei, nisa hmêl hrim hrim hmu lo ang hi ni raw se.
9In bêlhai chun hling thing lum a hriet hma khawmin:
Ama chun thlivirin la hmang a ta,
A hring le a kâng lai khawm.#A hring le ṭâwl amani khawmin. Hebraiah a chieng nawh.
10Mi fel chun phubalâkna chu a hmuin lâwm a ta,
Mi rilo thisena chun a ke chu sâwp a tih.
11Chuongchun, mihaiin, “Mi fel ta ding chun lâwmman a lo um tak tak a;
Hnuoia hin rorêltu Pathien a lo um tak tak a ni hi,” tîng an tih.
Currently Selected:
INPÂKNA HLABU 58: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
