INPÂKNA HLABU 57
57
Sawisaktuhaia inthawka sanhim dinga ṭawngṭâina
(Sm 108.1-5)
Hla ṭhuoitu ta dingin: Altashhetha sak ding. David Inpâkna Hla: Miktam: Saulaa inthawka pûka a tlânhmang laia mi.
1Aw Pathien, mi lunginsiet rawh:
Ka hringna hi nangmaa chun a hung tlulût sih a:
Anih, i thla hnuoia chun himna zawng ka tih,
Vângduoinahai hi ân kieng hmakhat chun.
2Pathien Achunghnungtak chu ko ka ta,
Pathien iengkim mi thawpêktu chu.
3Mi lem zo tumtu chun a mi hrilsiet pha chun,
Ama chun vâna inthawkin hung tir a ta, mi sanhim a tih:
Pathienin a ngilneina le a thutak hung tir suok a tih.
4Ka hringna hi sakeibaknei laiah a um a,
Mihriem nauhai fa zo hmang- tuhai laia chun ka zâl a.
Chuonghai hahai chu fei le thalhai an nih;
An lei chu kâwlhnâm ngeitak a nih.
5Aw Pathien, nang chu vân khûm rak khin chawimawiin um la,
I ropuina chu leihnuoi po po chunga hin hung um raw se.
6Ka ke âwkna dingin lên an phah a,
Ka hringna hi a tlep ngawi ngawi a,
Ka hmaah khur an cho a,
Anni ngei a lai takah an tla tah a.
7 #
Sm 108.1-5 Ka lungril hi a det a nih, aw Pathien, ka lungril hi a det a nih:
Hla sak ka tih, anih, inpâkna hla sak ka tih.
8Ka ropuina, har rawh, per- khuong le ṭingṭanghai, har ro:
Kei chu zîngkâr har ka tih.
9Aw LALPA, mi tin laiahai chun lâwmthu hril ka ti che,
Hnam tin laia chun nangma inpâkin hla sak ka tih.
10I ngilneina chu vân tawng khawpin a nasa sih a.
I thutakna chu vân dum tawng khawpin a nasa bawk a.
11Aw Pathien, nang chu vân khûm dai khin chawimawiin um rawh,
I ropuina chu leihnuoi po po chunga hin hung um raw se.
Currently Selected:
INPÂKNA HLABU 57: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
