INPÂKNA HLABU 56
56
Ringnaa ṭawngṭâina Hla ṭhuoitu ta dingin: Jonath-elemrehokima sak ding. David inpâkna hla: Miktam: Philistinhaiin Gath khuoah ama an man laia mi.
1Aw Pathien, mi lunginsiet la, mihriemin mi lem zo an tum sih a;
Sûnnithlâkin an mi thawin an mi nêksâwr hlak.
2Ka hmêlmahaiin sûnnithlâkin mi lem zo an tum a,
Chapotaka mi thawtuhai hi an tam sih a.
3Ka ṭit châng po leh,
Nangmaah ka ringna kân nghat a;
4 #
Is 31.3 A thu ka inpâk Pathiena ngei chun.
Pathien ka ring a, ṭi naw ningah;
Tisa chun ieng am mi law thei a ta?
5Sûnnithlâkin ka thuhai an lâkkâwi hlak a,
An ngaituo po po chu ka sietna ding ruok a nih.
6 #
Sm 59.3 An inkhâwm a, an inbihmang a,
Ka hniekhnung an inchik hlak a,
Ka hringna sukbo tumin an inchân a;
7Suol pumin an pumpel ding am a nih?
Aw Pathien, lunginsenin mi tin chu suktlâwm rawh.
8Nangin kân vâkvainahai hi în chik hlak a,
Ka mitthlihai hi i savun pênga chun thun la.
I lekhabuah a chuong tâwl naw am a nih?
9Ka ko pha che chun a mi dotuhai chu tlânsieng an tih.
Hi hi ka hriet, Pathienin a mi ṭan hi.
10Pathiena chun a thu inpâk ka ta,
LALPAA chun a thu inpâk ka tih.
11Pathien ka ring a, ṭi naw ningah,
Mihriemin ieng am mi law thei an ta?
12Aw Pathien, i kuomah thutiemhai ka nei a,
Lâwmthu hrilna inthawina- haiin thung ka ti che.
13Ka hringna hi thinaa inthawk i sanhim sih a,
Ka kehai hi tlu lo dingin i sanhim a ni naw am a nih?
Mi hring vara hin,
Pathien hmaa ka lêng theina dingin.
Currently Selected:
INPÂKNA HLABU 56: HMARCLBSI
Highlight
Copy
Compare
Share
Want to have your highlights saved across all your devices? Sign up or sign in
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
